ىنتىماقتاستىق نىعايا تۇسەدى

2023 جىلى قازاقستان مەن تايلاند اراسىنداعى تاۋار اينالىمى 367 ملن دوللارعا جەتتى. تاراپتار كورول­دىك­­كە جەتكىزىلەتىن وتان­دىق اگرو­ونەركاسىپ كەشەنى تاۋار­لا­رىنىڭ تۇرلەرىن كەڭەيتۋ مۇم­كىن­دىگىن قاراستىردى. اتاپ ايتقاندا, قازاقستان ەت, كوكونىس پەن جەمىس, ءداندى داقىلدار, ۇن ونىمدەرىن, وسىمدىك مايلارىن جانە باسقا دا اوك ونىمدەرىن ەكسپورتتاۋعا مۇددەلى.

«مەملەكەت باسشىسىنىڭ تاپسىرماسى بويىنشا ءبىز اۋىل شارۋاشىلىعى ونىم­دە­رىن ساقتاۋ جانە ديستري­بۋ­تسيا­لاۋدىڭ ءتيىستى ينفراقۇ­رىلى­مى بار ۇلتتىق تاۋار وتكىزۋ جۇيەسىن دامىتىپ جاتىرمىز. بۇل ەلىمىزدە اگرو ازىق-ت ۇلىك حابىن قالىپتاستىرۋ ءۇشىن قا­جەتتى جاعدايلار جاساۋعا مۇم­كىندىك بەرەدى. وسى ماسەلەدە قازاقستان مەن تايلاند ارا­سىن­داعى ىنتىماقتاستىقتى تەرەڭ­دەتۋدىڭ كەلەشەگى زور ءارى بۇل ەكى جاققا دا ءتيىمدى», دەدى ولجاس بەكتەنوۆ.

سونىمەن قاتار ۇكىمەت باس­شىسى قازاقستان مەن تاي­لاندتىڭ ءتيىستى ينۆەستيتسيالىق جوبالاردى ىسكە اسىرۋداعى كەڭ مۇمكىندىكتەرىن اتاپ ءوتتى.

ءوز كەزەگىندە پحامتۋم ۆە­چاياچاي تايلاند پەن قازاق­ستان اراسىنداعى ساۋدا-ەكونو­ميكالىق بايلانىستاردى نى­عايتۋعا سەنىم ءبىلدىردى.

«بۇگىن ەكونو­ميكالىق ءوزارا ءىس-قيمىل تۋرالى كەلى­سىم­گە قول قويدىق. بۇل قۇجات ءارتۇرلى سالاداعى, سونىڭ ىشىن­دە ساۋدا, ەكونوميكا جانە ينۆەستيتسيالارداعى ىنتى­ماق­تاستىقتى كەڭەيتۋگە ىقپال ەتەدى دەپ سانايمىن», دەدى پحام­تۋم ۆەچاياچاي.

كەزدەسۋ بارىسىندا تايلاند ۇكىمەتىنىڭ قازاقستان ازاماتتارىنا ۆيزاسىز رەجىم ۇسىنۋىمەن قاتار, تۋريزم سالاسىنداعى قاتىناستاردىڭ وڭ دامۋ ديناميكاسى اڭگىمەگە ارقاۋ بولدى. پحۋكەتتە كونسۋلدىق پۋنكتىنىڭ اشىلۋى تايلاند اۋماعىندا جۇرگەن قازاقستان ازاماتتارىنا قاجەتتى قولداۋ كورسەتۋگە مۇمكىندىك بەرەدى.

بۇعان قوسا ترانسكاسپي باعىتىن دامىتۋ اياسىندا قا­زاقستاننىڭ ترانزيتتىك الەۋە­تىن پايدالانۋ مۇمكىندىگى تالقىلاندى. كەزدەسۋ سوڭىن­دا تاراپتار ەكى ەل اراسىن­دا­عى ەكونوميكالىق ىنتىماق­تاستىقتى تەرەڭدەتۋگە نيەت ءبىلدىردى.