دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان مەملەكەتتىك باعدارلامانىڭ جوباسى بۇگىنگى كۇنى قوعامدىق ساراپتامادان وتۋدە دەسەم, ءوتكەن مامىر ايىندا “ۇلتتىق مەديتسينالىق قوعامداستىق” رەسپۋبليكالىق قوعامدىق بىرلەستىگىنىڭ باس اسسامبلەياسى ءوتتى. “دەنساۋلىق قۇقىعى” تاقىرىبى بويىنشا وندا باعدارلامانىڭ جوباسى كەڭىنەن تالقىلاندى.
وسى جوبانىڭ الدىڭعى جوبالاردان ايىرماشىلىعى – جوبانى ىسكە اسىرۋ ءۇشىن العاش رەت مەملەكەتتىك ەمەس ۇيىمداردى, كاسىبي مەديتسينالىق قاۋىمداستىقتى كەڭىنەن تارتۋ جوسپارلانعان. ەندى ارىپتەستىك ءتيىمدى بولۋ ءۇشىن الەۋمەتتىك تاپسىرىس شەڭبەرىندە وسى جوبانى ورىنداۋعا بيۋدجەتتەن قارجىلاندىرۋدى ويلاستىرۋ كەرەك.
قوعامدىق بىرلەستىكتەردىڭ كادرلىق جانە ينتەللەكتۋالدىق الەۋەتىن پايدالانۋدىڭ ساۋاتتى تەتىكتەرىن ازىرلەۋ مەديتسينالىق قاۋىمداستىققا بۇرىن مينيسترلىك اتقارعان قىزمەتتىڭ ءبىر بولىگىن بەرۋ عانا ەمەس, از ۋاقىت ىشىندە پوزيتيۆتى ناتيجەلەر الۋعا ءمۇمكىندىك بەرەدى. شىنىندا دا دامىعان ەلدەردەگى ۇلتتىق مەديتسينالىق قاۋىمداستىقتار مەملەكەتتىڭ دەنساۋلىق ساقتاۋ ساياساتىن قالىپتاستىرۋدا سەنىمدى سەرىكتەستەر بولىپ تابىلادى.
قوعامدىق ساراپتاۋ بارىسىندا باعدارلاما جوباسىنىڭ پروفيلاكتيكالىق باعىتى, حالىققا ساپالى مەديتسينالىق كومەكتى جاقىنداتۋعا ۇمتىلىس ماقۇلداندى. اسا نازار اۋداراتىن نارسە – اۋىلعا, مەكتەپكە دەيىنگى جانە مەكتەپ جاسىنداعى بالالارعا ارنالعان پروفيلاكتيكالىق مەديتسينانى, جوعارى دەڭگەيدە جۇمىس ىستەيتىن مەديتسينالىق پۋنكتتەردى قۇرۋ ماسەلەسى.
كادر ساياساتى ماسەلەسىنە دە ۇلكەن كوڭىل ءبولىنىپ وتىر, سەبەبى مەديتسينا كادرلارىنىڭ جەتىسپەۋشىلىگى مەديتسينالىق كومەك كورسەتۋدىڭ ساپاسىنا كەرى اسەر ەتەدى. مەديتسينالىق ءبىلىمى جوق ماماندار (ۆولونتەرلەر, پارامەديكتەر, الەۋمەتتىك قىزمەتكەرلەر, مەديتسينالىق ءبىلىمى جوق زەرتحاناشىلار, پسيحولوگتار, رەابيليتولوگتار, اقپاراتتىق تەحنولوگيالار بويىنشا جانە ت.ب. ماماندار) جۇمىس ىستەي الاتىن سالادان مەديتسينالىق كادرلاردى بوساتۋ ءجونىندە ۇسىنىلعان مەحانيزم ماقۇلداندى.
قازىرگى ۋاقىتتا ءبىلىم بەرۋ, دەنساۋلىق ساقتاۋ ۇيىمدارىن اككرەديتتەۋ باستالدى. باعدارلامانىڭ جوباسىندا كاسىپتىك مەديتسينا قاۋىمداستىقتارىنا اككرەديتتەۋ, اتتەستاتتاۋ, سەرتيفيكاتتاۋ, مەديتسينالىق جوعارى وقۋ ورىندارىندا ەمتيحان كوميسسيالارىنا قاتىسۋ, مەديتسينالىق كومەك ساپاسىنا تاۋەلسىز ساراپتاما جۇرگىزۋ سياقتى كەيبىر فۋنكتسيالاردى تاپسىرۋ كوزدەلگەن.
سونداي-اق جوبادا قازىرگى زامانعى تەحنولوگيالاردى ەنگىزۋ تۋرالى ايتىلادى, بۇل ءىرىڭ جانە گريبوك اۋرۋلارىنىڭ الدىن الۋعا باعىتتالعان عىلىم سالاسىنداعى جەتىستىكتەر رەتىندە باكتەرياعا قارسى شىنىنى ەنگىزۋ پروبلەماسىن العا شىعاردى. ءارى مەديتسينالىق جابدىقتى جوندەۋ جانە جيناۋ بويىنشا مەديتسينادا كەڭىنەن قولدانىلاتىن ەلەكتروندى تەحنيكانى تەرەڭ بىلەتىن مامانداردى دايارلاۋدىڭ پروبلەماسىن وزەكتى ەتىپ وتىر.
باعدارلاما ءار ءتۇرلى مينيسترلىكتەر مەن ۆەدومستۆولاردىڭ وكىلدەرىن ستراتەگيالىق مىندەتتەردى ىسكە اسىرۋ ۇدەرىسىنە كەڭىنەن تارتۋدى كوزدەيدى. بۇل باستاما مەديتسينا قىزمەتكەرلەرىنەن كەڭ قولداۋ تاپتى, سەبەبى بۇگىن مەديتسينا پاتسيەنتتەردى ەمدەۋدىڭ كادىمگى تۇسىنىگىنەن تىس شىقتى. كيبەرنەتيكا, مەحانيكا, گەندىك ينجەنەريا, كۆانتتى فيزيكا, پسي-ەنەرگيانى, بيوتەحنولوگيانى زەردەلەۋ جانە قولدانۋ, بيوتەحنولوگيالار عاسىرىندا جەتىستىكتەردى جەدەل جانە ءتيىمدى ەنگىزۋ, سونداي-اق جاڭا عىلىمي-زەرتتەۋ ينستيتۋتتارىن قۇرۋ ءۇشىن عالىمدار مەن پراكتيكتەردىڭ سالاارالىق ءوزارا ءىس-ارەكەتىنە مەمباعدارلامانىڭ ۇسىنعان جوباسىن باعىتتاۋ كەرەك.
اپات مەديتسيناسى قىزمەتىن جەتىلدىرۋ جونىندەگى ءبولىم دەنساۋلىق ساقتاۋ سالاسى قىزمەتكەرلەرىنىڭ ەرەكشە قىزىعۋشىلىعىن تۋدىردى. مەنشىك تۇرىنە قاراماستان, مەديتسينا مەكەمەلەرىنىڭ ۇلتتىق ءتىركەلىمىن, سونداي-اق كادرلاردىڭ ۇلتتىق تىركەلىمىن قۇرۋ بىرقاتار ماسەلەلەردى شەشۋگە (سونىڭ ىشىندە مەديتسينالىق كۇشتەر مەن قۇرالداردىڭ ەسەبىمەن تەز ارەكەت ەتۋدىڭ ەلەكتروندى كارتاسىن ازىرلەۋگە) مۇمكىندىك بەرەدى.
جوبادا ادامنىڭ پسيحيكالىق دەنساۋلىعى جانە جالپى قوعامنىڭ دەنساۋلىعىنا العاش رەت ۇلكەن كوڭىل ءبولىنىپ وتىر.
سونداي-اق مەديتسينا قىزمەتكەرىن الەۋمەتتىك قورعاۋ پروبلەماسى دا كوپ كوڭىلىنەن شىققانى انىق.
ايجان سادىقوۆا,ۇلتتىق مەديتسينا قاۋىمداستىعىنىڭ پرەزيدەنتى.