استانادا LRT قۇرىلىسىنا بايلانىستى 16-19 تامىز ارالىعىندا ماڭگىلىك ەل داڭعىلىنىڭ ءبىر بولىگى ەكى باعىتتا جابىلادى, دەپ حابارلايدى Egemen.kz.
«LRT قۇرىلىسى بويىنشا جۇمىستار جۇرگىزۋ جوسپارىنا سايكەس, استانا قالاسى پوليتسيا دەپارتامەنتىنىڭ كەلىسىمى بويىنشا, 16 تامىز ساعات 00:00-دەن باستاپ (15-نەن 16-نا قاراعان ءتۇنى) 19 تامىز ساعات 06:00-گە دەيىن, ماڭگىلىك ەل داڭعىلى بويىمەن, سىعاناق كوشەسىمەن قيىلىسىندا ەكى باعىتتا قوزعالىس جابىلادى», دەلىنگەن CTS حابارلاماسىندا.
بۇل رەتتە وڭتۇستىك جانە سولتۇستىك باعىتتاعى بۇرىلىس سەزدەرى اشىق بولاتىنى حابارلاندى.
«قوعامدىق كولىك قوزعالىسى تۇركىستان جانە اقمەشىت كوشەلەرى ارقىلى جۇزەگە اسىرىلادى. باعدارلاردىڭ قوزعالىس سىزباسى CTS سايتىندا جانە الەۋمەتتىك جەلىدەگى پاراقشالارىندا جاريالانادى», دەلىنگەن حابارلامادا.