كۇنى كەشە قازاق بوكسشىلارىنىڭ پاريج وليمپياداسىنداعى العاشقى قارسىلاستارىن انىقتاعان رەسمي جەرەبە تارتۋ ءراسىمى ءوتتى, دەپ جازادى Egemen.kz ۇلتتىق وليمپيادالىق كوميتەتكە سىلتەمە جاساپ.
جەرەبە قورىتىندىسىنا سايكەس, بوكس سۇيەر قاۋىم قازاقتىڭ بىلعارى قولعاپ شەبەرلەرىنىڭ قارسىلاستارى قارىمدى ەكەنىن ايتىپ جاتىر.
وسىعان بايلانىستى بوكستان ەرلەر قۇراماسىنىڭ باس باپكەرى مىرزاعالي ايتجانوۆ پىكىرىن ءبولىستى.
«بۇل – وليمپيادا ويىندارى. ءاربىر قارسىلاس ىرىكتەلىپ, ۇلكەن دايىندىقپەن كەلگەن. وڭاي قارسىلاس جوق. سول سەبەپتى, ءاربىر جەكپە-جەك ءبىز ءۇشىن فينالعا پارا-پار. ءبىز ەكىنشى, ءۇشىنشى كەزدەسۋ قيىن بولادى دەپ قاراستىرمايمىز. ءبىز ءبىرىنشى جەكپە-جەكتەن باستاپ تاس ءتۇيىن دايىن شىعامىز», دەدى باس باپكەر.
بوكسشىلارىمىزدىڭ ءبىرىنشى اينالىمداعى قارسىلاستارىنىڭ اتى-ءجونى, قاي ەلدىڭ وكىلى ەكەنىن بۇعان دەيىن حابارلاعان ەدىك.