«اۋىل اماناتىنىڭ» قولداۋى

وڭىردە «اۋىل اماناتى» باعدار­لا­ما­سى اياسىندا وتكەن جىلدان بەرى 1089 ادام 8 ملرد 267 ملن تەڭگە سوماسىندا شاعىن نەسيە العان. بيىل رەسپۋبليكالىق بيۋدجەتتەن 14 ملرد تەڭگەدەن اسا قاراجات قاراستىرىلىپ وتىر. قازىرگى ۋاقىتتا باس-اياعى 629 ءوتىنىم كەلىپ تۇسكەن. ونىڭ جالپى سوماسى 5,9 ملرد تەڭگەنى قۇرايدى.

باعدارلاما اياسىندا شاعىن كا­سىپ­كەرلەر مەن اۋىل تۇرعىندارىنا كورسەتىلەتىن قولداۋ كولەمى جىل سا­يىن ارتىپ كەلەدى. بۇل ءوز كەزەگىندە اۋىلدىق جەرلەردە كاسىپكەرلىكتىڭ دامۋىنا ۇلكەن سەرپىن بەرىپ وتىر.

بۇل كۇندە «Amanat» پارتياسىمەن بىرلەسە اتقارىلاتىن باعدارلامانىڭ يگىلىگىن كورىپ, ىسكە قوسىلىپ جاتقان شاعىن ءوندىرىس ورىندارى از ەمەس. سولاردىڭ قاتارىندا قاراساي اۋدانىنا قاراستى شامالعان اۋىلدىق وكرۋگىنىڭ تۇرعىنى نازيرا مىڭ­باەۆا پارتيانىڭ اۋداندىق فيليالىنا جۇگىنىپ, كاسىپ اشۋ ءۇشىن كەڭەس سۇراعان. ءوتىنىشى وڭ شەشىم تاۋىپ, «اۋىل اماناتى» باعدارلاماسى ارقىلى جەڭىلدەتىلگەن نەسيەگە قا­جەتتى قۇرال-جابدىقتار مەن شيكى­زات ساتىپ الدى.

ءسويتىپ, نار تاۋەكەلمەن باستاعان ءىسى ىلگەرىلەپ, ءيىسى تابەت اشاتىن ءتاتتى نانىن تۇرعىندار تالاسا-تارماسا الاتىن بولدى. باپتاپ پىسىرگەن ونى­مى­نە سۇرانىس كوبەيگەن سايىن كاسىپ يەسىنىڭ دە قۇلشىنىسى ارتىپ, ەڭبەك ونىمدىلىگىن ەسەلەي تۇسۋدە.

«جوبا اياسىندا كاسىپ باستاۋ ءۇشىن «Amanat» پارتياسىنىڭ اۋداندىق فيليالىنا بارىپ كەڭەس الدىم. كەيىن 2,5 پايىزبەن جەڭىل­دە­تىلگەن نەسيەمەن ۇلكەن پەشتەر, قامىر يلەيتىن قۇرىلعى جانە تاعى دا باسقا قاجەتتى قۇرال-جابدىقتار مەن ۇن, تۇز سەكىلدى شيكىزاتتار الىپ, ناۋبايحانا جۇمىسىن باستاپ كەتتىم. قازىر شامالعان اۋىلىندا تۇرعىنداردى ساپالى نانمەن قامتاماسىز ەتىپ وتىرمىن», دەيدى كاسىپ يەسى نازيرا مىڭباەۆا.

وسى كۇنى ناۋبايحانادا 6 جۇ­مىسشى بار. ءوندىرىس ورنىندا تاۋ­ل­ىگىنە 1500 بولكە نان شىعارى­لا­دى. سونىمەن قوسا كۇنارا 500-600 دانا ءبالىش, پيتستسا, ءتاتتى توقاش ءپىسىرىپ, دۇكەن سورەلەرىنە جونەلتەدى. ءوندىرىس كولەمى ارتىپ, ءونىم تۇرلەرىنىڭ كوبەيە تۇسۋىنە بايلانىستى قوسىمشا ءتاتتى ونىمدەر جاسايتىن كونديتەرلىك تسەح اشۋ دا جوسپارىندا بار.

الماتى وبلىسى