وليمپيادا تۇرلەرى بويىنشا سپورتتى دامىتۋ ديرەكتسياسىنىڭ باسشىسى 60 ميلليون تەڭگە ۇرلاپ, تاعى 4 ميلليون تەڭگە پارا العان, دەپ حابارلايدى Egemen.kz استانا پروكۋراتۋراسىنىڭ ءباسپاسوز قىزمەتىنە سىلتەمە جاساپ.
«وليمپيادالىق سپورتتى دامىتۋ ديرەكتسياسىنىڭ باسشىسى 60 ميلليون تەڭگەدەن استام بيۋدجەت قاراجاتىن جىمقىرىپ, قاراماعىنداعى قىزمەتكەردەن 4 ميلليون تەڭگە كولەمىندە پارا العانى ءۇشىن كىنالى دەپ تانىلدى. ۇرلىق سپورتشىلاردىڭ وقۋ-جاتتىعۋ جيىندارىن وتكىزۋگە بولىنگەن بيۋدجەت قاراجاتىن يەمدەنۋ, فيليالدارمەن سپورت زالدارىن جالعا الۋعا مەملەكەتتىك ساتىپ الۋ تۋرالى كەلىسىمشارت جاساسۋ, بۇل ءۇي-جايلاردى تەگىن الۋعا مۇمكىندىك بەرۋ ارقىلى جاسالعان. باسشىمەن بىرگە ديرەكتسيا قىزمەتكەرى بيۋدجەت قاراجاتىن ۇرلاۋعا قاتىسقانى ءۇشىن سوتتالدى», دەلىنگەن حابارلامادا.
سوتقا بارلىق دالەلدەمەلەردى ۇسىنعان مەملەكەتتىك ايىپتاۋشى سوتتالۋشىلاردىڭ كىناسىزدىگىن جوققا شىعارعان.
سوت ۇكىمىمەن وليمپيادالىق سپورتتى دامىتۋ ديرەكتسياسىنىڭ باسشىسى 5 جىلعا, ال ونىڭ سىبايلاسى 4 جىلعا باس بوستاندىعىنان ايىرىلىپ, ولاردىڭ ارقايسىسىنا ءومىر بويىنا مەملەكەتتىك قىزمەتتە لاۋازىمدىق مىندەتتەرىن اتقارۋعا تىيىم سالىنعان.