جاقىندا مەملەكەت باسشىسى قاسىم-جومارت توقاەۆ «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا قول قويدى. وسى زاڭ شەڭبەرىندە ەلىمىزدەگى 17 وبلىس جانە 3 رەسپۋبليكالىق ماڭىزى بار قالانىڭ وڭىرلىك نىشاندارىن نورماتيۆتىك-قۇقىقتىق دەڭگەيدە رەسمي بەكىتۋ جوسپارلانىپ وتىر, دەپ جازادى Egemen.kz.
بۇعان دەيىن وڭىرلىك رامىزدەردى رامىزدەردىڭ سيپاتتاماسىن ازىرلەۋ مەن ولاردى پايدالانۋ ءتارتىبىن ايقىنداۋ قۇزىرەتى استانا جانە الماتى قالالارىنىڭ ءماسليحاتتارىنا عانا قولجەتىمدى بولدى. ال وزگە ايماقتاردا بۇل ماسەلە نورماتيۆتىك-قۇقىقتىق اكتىلەر دەڭگەيىندە بەكىتىلمەگەن ەدى. وسى ولقىلىقتىڭ سالدارىنان جەرگىلىكتى اكىمدەر وڭىرلىك رامىزدەردىڭ سيپاتتاماسىن ازىرلەۋ مەن پايدالانۋ ءتارتىبىن وزدەرى ايقىنداپ كەلگەن.
وڭىرلىك رامىزدەردى ازىرلەۋ جۇيەسىن رەتكە كەلتىرۋ بويىنشا «ۇلگىلىك قاعيدا» دايىندالعانىن ايتادى. قاعيدا ءماتىنى 23 شىلدەگە دەيىن قوعامدىق تالقىلاۋ ءۇشىن «اشىق نقا» سايتىندا ورنالاستىرىلدى.
ءتىلشىمىز جادىرا ءمۇسىلىم گەرالديست مامانداردىڭ تاقىرىپقا قاتىستى پىكىرى مەن ۇسىنىستارىن تىڭدادى.
ماسەلەن, گەرالديست ايدىن رىسبەك ۇلى «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭعا ەنگەن «وڭىرلىك نىشاندار» تەرمينىن «وڭىرلىك رامىزدەر» دەپ وزگەرتۋدى ۇسىندى.
جالپى «وڭىرلىك رامىزدەردى» بەكىتۋدىڭ ماڭىزدىلىعى مەن وعان قويىلاتىن تالاپتاردى گازەتىمىزدىڭ بۇگىنگى سانىندا جارىق كورگەن جادىرا ءمۇسىلىمنىڭ «وڭىرلىك ءتولتاڭبا اسقاق بولۋى شارت» ماقالاسىنان وقي الاسىزدار.