سەنات دەپۋتاتى سۇلتانبەك ماكەجانوۆ الماتى وبلىسى ەسىك قالاسىنداعى قازىرگى زامانعى مەكتەپ قۇرىلىسىمەن تانىستى. 900 وقۋشىعا ارنالعان ءبىلىم ورداسى – وتكەن جىلعى اقمولا وبلىسىنداعى قوسشى قالاسىندا اشىلعان مەكتەپتەن كەيىنگى زاماناۋي ۇلگىدە سالىنىپ جاتقان ەكىنشى ءبىلىم بەرۋ مەكەمەسى.
«الماتى قالاسىندا دا وسىنداي مەكتەپ سالۋ جوسپارلانىپ وتىر. وسىعان بايلانىستى ءبىز بۇگىن تاجىريبە الماسۋ ءۇشىن الماتى قالاسى قۇرىلىس باسقارماسىنىڭ باسشىسى مەن جوبالاۋ ينستيتۋتىنىڭ باسشىلارىن دا وسى نىسانعا شاقىردىق. مۇنداي مەكتەپتەردەگى سىنىپتاردىڭ اۋدانى 60-62 شارشى مەتردى قۇرايدى, بۇل بالالاردىڭ ءبىلىم بەرۋ ۇدەرىسىنە قولايلى جاعداي تۋعىزادى. بولاشاقتا قازاقستاندىق مەكتەپتەر وسىنداي بولۋى ءتيىس. سپورت الاڭدارى دا وسى ستاندارتتارعا ساي بولۋى كەرەك», دەدى سەناتور.
دەپۋتات ساپار بارىسىندا الماتى قالاسىنداعى جول كەپتەلىسى ماسەلەسىنە دە نازار اۋداردى. ول قالانىڭ ەڭ كوپ جۇرەتىن ۋچاسكەلەرىنىڭ ءبىرى قۇلجا تراكتىسىندەگى جولدى كەڭەيتۋ بارىسىمەن تانىستى. دەپۋتاتقا جولدى كەڭەيتىپ, جولاقتار سانىن كوبەيتۋ جۇمىستارى بيىل 1 قىركۇيەككە دەيىن اياقتالاتىنى تۋرالى حابارلاندى. قۇلجا تراكتىندە وسىعان دەيىن 4 جولاق بولسا, ەندى ءار باعىتتا 3-كە دەيىن كوبەيتىلەدى جانە جالپى العاندا 6 جولاققا كەڭەيتىلەتىن بولادى. بۇل قالانىڭ شىعىسىنداعى كەپتەلىستى ەداۋىر ازايتادى.