الەم باق-تارىندا Microsoft-تاعى اقاۋعا بايلانىستى اۋەجاي, بانك, تەلەارنا, ءىرى كومپانيالاردىڭ وپەراتسيالىق جۇيەلەرىندە قيىندىقتار بولىپ جاتقانى حابارلانىپ جاتىر. وسى ماسەلەگە قاتىستى قازاقستاننىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى دە مالىمدەمە جاسادى, دەپ جازادى Egemen.kz.
مينيسترلىك مالىمەتىنشە, ازىرگە ەلىمىزدىڭ ينفراقۇرىلىمدارى مەن مەملەكەتتىك IT-سەرۆيستەرىنىڭ جۇمىسىندا ەشقانداي اقاۋ تىركەلمەگەن.
«Microsoft وپەراتسيالىق جۇيەسىنىڭ جاھاندىق ىستەن شىعۋىنا بايلانىستى بىرقاتار ەلدە اۋەجايلار مەن IT-سەرۆيستەردىڭ جۇمىستارىندا اقاۋ بايقالادى. قازاقستاندا وسىعان بايلانىستى شاعىمدار تۇسكەن جوق, بارلىق جۇيەلەر قالىپتى رەجيمدە جۇمىس ىستەپ جاتىر. تسيفرلىق دامۋ مينيسترلىگى جاعدايدى باقىلاۋعا الدى», دەلىنگەن مينيسترلىك حابارلاماسىندا.