استانا قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا وسى جىلدىڭ 6 ايىنداعى ەپيدەميولوگيالىق جاعداي تۋرالى ساندىق دەرەكتەردى ۇسىندى, دەپ جازادى Egemen.kz.
سارحات بەيسەنوۆانىڭ مالىمەتىنشە, 11 دەرت بويىنشا سىرقاتتانۋ تومەندەپ, 7 اۋرۋ تۇرىنە شالدىعۋ وسكەن.
«11 نوزولوگيا بويىنشا سىرقاتتانۋشىلىقتىڭ تومەندەۋى بايقالادى. اتاپ ايتقاندا, كۆي 12 ەسە, ەنتەروۆيرۋستىق ينفەكتسيا 9,3 ەسە, سەروزدى مەنينگيت 3 ەسە, جرۆي 2 ەسە, ۆ ۆيرۋستىق گەپاتيتىنىڭ ءجىتى ءتۇرى 43%-عا تومەندەدى. سونداي-اق سكارلاتينا, ۆ جانە س ۆيرۋستىق گەپاتيتىنىڭ سوزىلمالى تۇرلەرى, سالمونەللەز, تۇماۋ, ديزەنتەريا سەكىلدى دەرتتەردىڭ ازايعانى بايقالدى», دەدى سارحات بەيسەنوۆا.
قالانىڭ باس سانيتارى كوكجوتەل مەن قىزىلشامەن سىرقاتتانۋ دەرەكتەرى ەداۋىر ارتقانىن قوسا ايتتى.
«جۇرگىزىلىپ جاتقان جۇمىستارعا قاراماستان, 7 نوزولوگيا بويىنشا سىرقاتتانۋشىلىقتىڭ ءوسۋى بايقالىپ وتىر. مىسالى, كوكجوتەل 81 ەسە, قىزىلشا 12 ەسە, پاروتيت 3 ەسە, ۆيرۋستىق ا گەپاتيتى 1,5 ەسە, روتاۆيرۋستىق ينفەكتسيا 17%, جەدەل ىشەك ينفەكتسياسى 13,9% جانە تۋبەركۋلەز 11% ءوستى», دەدى سارحات بەيسەنوۆا.