اتىراۋ قالاسىنداعى «مۇنايشى» ستاديونىنداعى باسسەينگە 10 جاستاعى بالا باتىپ كەتىپ, قايتىس بولدى, دەپ حابارلايدى Egemen.kz.
وقيعا 14 شىلدە كۇنى ساعات 16:30 شاماسىندا بولعان.
«اتالعان وقيعاعا بايلانىستى قىلمىستىق ءىس تىركەلدى. سوت-مەديتسينالىق ساراپتاما تاعايىندالدى. پوليتسيا قىزمەتكەرلەرى كەشەندى تەرگەۋ امالدارىن جۇرگىزۋدى باستادى. وزگە اقپارات تەرگەۋ مۇددەسىنە سايكەس جاريالاۋعا جاتپايدى», دەپ حابارلادى دەپارتامەنتتىڭ ءباسپاسوز قىزمەتى.
«مۇنايشى» ستاديونىنداعى باسسەينگە 2019 جىلى قايتا جاڭعىرتۋ جۇرگىزىلگەن. باسسەيندەگى وليمپيادالىق ستاندارتقا سايكەس 8 جولاققا بولىنگەن ءجۇزۋ جولىنىڭ ۇزىندىعى – 50, ەنى – 21, ال تەرەڭدىگى 2 مەتردەن اسادى. باسسەين 2020 جىلى سەنىمدى باسقارۋعا بەرىلگەن. مۇندا 600-دەن استام بالا سۋ سپورتىمەن اينالىسۋعا كەلەدى.