ەگەر اڭگىمەنىڭ اشىعىن ايتار بولساق, بۇگىندە ازىق-ت ۇلىك باعاسى ادىمداپ بارا جاتقان سىڭايلى. ءسوزىمىز دالەلدى بولۋى ءۇشىن ازىق-ت ۇلىك بازارىنا اتباسىن بۇرىپ, باعانىڭ بۇگىنگى جاي-كۇيىمەن تانىسقان ەدىك. جاز مەزگىلى بولعان سوڭ با, سيىر ەتى 50 تەڭگەگە, ال قوي ەتى 100 تەڭگەگە, جىلقى ەتى 20, قۇس ەتى 10 تەڭگەگە ءوسىپ تۇر ەكەن. وكىنىشتىسى سول, كارتوپ پەن جۋا بۇرىنعىدان ەكى ەسەگە ءوسىپ, ياعني 100 تەڭگەگە ماڭايلاپ تۇر. سونداي-اق تۇتىنۋشىلار جىل باسىنداعىدان ءسابىزگە – 45, ال الماعا 26 پايىزعا ءۇستەمە اقشا تولەۋگە ءماجبۇر بولۋدا.
باعانى باقىلاپ وتىراتىن “قازاگروماركەتينگ” اق-تىڭ بىزگە بەرگەن مالىمەتىنە جۇگىنەر بولساق, سىر ايماعىنداعى سيىر ەتى رەسپۋبليكالىق دەڭگەيدەن – 25, قوي ەتى – 7, كارتوپ –34, پياز 24 تەڭگەگە قىمباتتاعان. ونى ايتاسىز, سىر ايماعىنىڭ ارال وڭىرىندە وندىرىلەتىن اس تۇزىنىڭ باعاسى رەسپۋبليكالىق كورسەتكىشتەن 5 تەڭگەگە قىمبات بولىپ تۇر.
سونىمەن سىر ايماعىندا ازىق-ت ۇلىك باعاسىنىڭ كۇرت كوتەرىلۋىنىڭ سىرى نەدە؟ ايماقتا جىلىجاي شارۋاشىلىعى وركەن جايا الماي وتىر. جالپى كولەمى 0,6 گەكتاردى قۇرايتىن 13 قانا جىلىجاي بار ەكەن. بۇل – ءبىر. ەكىنشىدەن, كوكونىستەر ساقتايتىن قويمالار دا جوقتىڭ قاسى. سودان دا ەگىس باسىنان ءونىمدى قولما-قول اقشاعا العاندار تۇتىنۋشىلارعا جەتكىزگەندەرى ءۇشىن ۇستەمە باعا قويۋدى ادەتكە, ياعني “كاسىپكە” اينالدىرعان. سونداي-اق ماۋسىمدىق كەزەڭدە سىرتتان تاسىمالداناتىن ءونىمدەردى تۇتىنۋشىلارعا تىكەلەي جەتكىزۋ جۇيەسى دە قالىپقا تۇسپەي وتىر. ۋاقىتىندا ازىق-ت ۇلىك باعاسىن تومەندەتۋ ماقساتىندا سالىنعان كوممۋنالدىق بازارلاردان كوپشىلىك كۇتكەن ءۇمىت تە اقتالماعان سىڭايلى. ءبازبىر اۋداندانداردا ازىق-ت ۇلىك بازارلارىنىڭ جۇمىسى توقتاپ قالسا, “ارزان بازار” جشس قاراجات جەتىسپەۋشىلىگىنەن ءوز مىندەتىن تولىعىمەن اتقارا الماۋدا.
جوعارىداعى وسى ءبىر جاعىمسىز جايلاردى باستى نازارىنا العان وبلىس اكىمى بولاتبەك قۋاندىقوۆ, ايماقتاعى ازىق-ت ۇلىك باعاسىن تۇراقتاندىرۋ باعىتىندا كەڭەيتىلگەن كەڭەس وتكىزدى. وعان تيەسىلى باسقارما باسشىلارى, كوتەرمە ساۋدا ورىندارى مەن ءىرى ساۋدا ورتالىقتارىنىڭ وكىلدەرى قاتىسىپ, ازىق-ت ۇلىك باعالارىن باستى باقىلاۋعا الۋدى تىلدەرىنە تيەك ەتتى.
ەگەر ناقتى دەرەكتەرگە جۇگىنەر بولساق, وبلىس تۇرعىندارى وزدەرىن-وزدەرى ازىق-ت ۇلىك ونىمدەرىمەن قامتاماسىز ەتۋلەرىنە تولىق ءمۇمكىندىكتەرى بار. اتاپ ايتقاندا, سىر ديقاندارى الا جازداي مارجانداي توككەن ماڭداي تەرلەرىنىڭ ارقاسىندا قىزاناقتى – 5,1, قياردى – 4,3, كارتوپتى – 2,2, باقشا داقىلدارىن 8,2 ەسەگە ارتىق وندىرەدى. سونداي-اق, سوڭعى جىلدارى وبلىس اكىمىنىڭ تىكەلەي باستاماسىمەن ازىق-ت ۇلىك جارمەڭكەسىن وتكىزۋ جاقسى داستۇرگە اينالعان.
جوعارىداعى وسى جاعداياتتاردى ەگجەي-تەگجەيلى بايان ەتكەن وبلىس اكىمى وبلىستىق شتاب جۇمىسىن جانداندىرىپ, باعانىڭ نەگىزسىز ءوسىمىن بولدىرماۋ ءۇشىن كوتەرمە جابدىقتاۋشىلارمەن ىنتىماقتاستىقتا جۇمىس جاساۋعا قاتاڭ تاپسىرما بەردى. كوممۋنالدىق بازارلار جۇمىسىن جانداندىرۋ مەن “ارزان بازار” جشس-نىڭ ساقتاۋ قويمالارىن پايدالانۋ, جىلىجاي شارۋاشىلىعىنىڭ اياسىن كەڭەيتۋدى دە ءمىندەتتەدى.
ەركىن ءابىل.
قىزىلوردا.