ۇلتتىق ستاتيستيكا بيۋروسى استانا كۇنى قارساڭىندا ەلورداداعى حالىق سانىنا قاتىستى قىزىقتى ساندىق دەرەكتەر ۇسىندى, دەپ جازادى Egemen.kz.
وسى جىلدىڭ 1 ماۋسىمىنداعى ستاتيستيكاعا ساي, باس قالاداعى حالىق سانى 1 464 415-كە جەتتى, ونىڭ 696 234-ءى ەر, 768 181-ءى ايەل.
استانادا 2023 جىلى ءومىر ءسۇرۋ ۇزاقتىعى 78,09 جاس بولدى. ەرلەردىڭ ءومىر ءسۇرۋ ۇزاقتىعى 74,23 جاستى, ال ايەلدەردىكى 81,28 جاستى قۇرادى.
2023 جىلى العاش رەت نەكەگە تۇرعان ەرلەر مەن ايەلدەردىڭ ورتاشا جاسى ەرلەر ءۇشىن 28,2 جاس, ايەلدەر ءۇشىن 26,4 جاس بولعان.
2024 جىلدىڭ قاڭتار-مامىر ايلارىنداعى تۋ كوەففيتسيەنتى 1000 ادامعا شاققاندا 19,50 بولدى. سونىمەن قاتار ەلوردادا 100 جاستان اسقان 21 ادام تۇرادى. ونىڭ 15-ءى ايەل, التاۋى ەر ادام.