قازىر ادامزات كوگىلدىر ەكراننان كورسەتىلەتىن باعدارلامالارعا كوپ قۇلاق ىلمەيدى. ءتىپتى كەيدە وزدەرىنىڭ ەستىگەن دۇنيەلەرىنە سەنگىسى كەلمەيدى. وسى تۇستا اقپارات الاڭىنداعى داعدارىسقا توقتالعىم كەلەدى. بۇگىندە كورەرمەن نە وقىرمان جاريالانعان اقپاراتتى كۇدىكپەن باقىلايدى. ءارى ساناسىندا «بۇل بىرەۋدىڭ تەرىس پىكىرى, ۇگىتى, ارانداتۋشى ويى ەمەس پە؟» دەگەن ساۋالعا جاۋاپ ىزدەيدى. ويتكەنى كەز كەلگەن پەندە مانيپۋلياتسيانىڭ قۇربانى بولۋدان قورقادى.
ءبىز مۇنداي بەلگىسىزدىك كۇيى مەن ونىڭ پايدا بولۋ سەبەبىن زەرتتەپ, ماسەلەنى كوبىرەك قوزعاۋىمىز كەرەك. سوندىقتان كەز كەلگەن اقپاراتتىڭ ناقتى ءارى تۇشىمدى بولۋى ماڭىزدىلىعى ودان ءارى ارتىپ وتىر. جۋرناليستيكانىڭ ءار سالاسىندا قىزمەت ەتەتىن ماماندار بۇل جاۋاپكەرشىلىكتى انىق ءتۇيسىنۋى قاجەت.
جالپى, الەمدە جۋرناليستەرگە ارنالعان بارلىعى 400-گە جۋىق كاسىبي ەتيكالىق كودەكس بار. ونىڭ باسىم بولىگى ءتۇرلى داستۇرگە نەگىزدەلگەنىمەن, قۇندىلىقتار جۇيەسى ورتاق. اشىپ ايتساق, ءبىرىنشىسى – ناقتىلىق, ياعني ماتەريالداعى دەرەكتەردىڭ ناقتى بولۋىن قاداعالاۋىمىز مىندەتتى. ەكىنشىسى – ەركىندىك, جۋرناليستەر ناسيحاتپەن اينالىسپاي, كاسىبي ستاندارتتارعا سايكەس جۇمىس ىستەۋگە ءتيىس. ءۇشىنشى قاعيدات – اقپاراتتىڭ جان-جاقتىلىعىنا زەيىن قويۋ, ءبىر وقيعا تۋرالى بايانداعاندا وسى ۇستانىمدى باسشىلىققا الۋىمىز كەرەك دەپ وزىندىك تالاپ نە ەرەجەنى ۇستانعانى ابزال. ءتورتىنشىسى – ادامگەرشىلىك قاعيداتى. ءبىز نە ىستەسەك تە, قوعامدىق ۇستانىمداردى العىشارت رەتىندە الىپ, ارەكەتتەنگەن دۇرىس. بەسىنشىسى – جاۋاپكەرشىلىك. ەگەر دە قانداي دا ءبىر قاتەلىك جاسايتىن بولساڭىز, جاۋاپكەرشىلىك الىپ, كەشىرىم سۇراۋ, زالال كەلتىرگەن جاعدايدا جابىرلەنۋشى تاراپپەن سويلەسكەن ءتيىمدى. وسى قاعيدالاردى ەسكەرسەك قانا ساپالى دۇنيە جاسايمىز.
ايدان ۋايت,
«Ethical Journalism Network» نەگىزىن قالاۋشى جانە پرەزيدەنتى