شەتەلدىك ۋنيۆەرسيتەتتەر فيليالى اشىلادى

بريفينگتە ءسوز العان عىلىم جانە جو­عارى ءبىلىم ءمي­نيسترى ساياسات نۇربەك شەتەلدىك جوعارى وقۋ ورىن­دارى­­نىڭ (جوو) فيليالدارىن اشۋدا 3 مودەل قولدا­نىلاتىنىن جەتكىزدى.

«اتالعان جۇمىس ەلىمىز­دەگى جوو-نىڭ عىلىمي جانە اكا­دەميالىق دامۋىن كۇشەيتۋگە, وزىق عىلىمي تاجىريبەنى ەنگى­زۋگە, باسقارۋ جۇيەسىن ترانس­فورماتسيالاۋعا, ءبىلىم مازمۇنى مەن وقۋ ۇدەرىسىنە الەمدىك ءبىلىم ستاندارتتارىن ەن­گى­زۋگە مۇمكىندىك بەرەدى. شەت­ەلدىك جوو فيليال­دارىن اشۋ­دا 3 مودەل قولدانىلادى (1.مەم­لەكەتتىك گرانتتار, 2. اكادە­ميا­لىق, بىرلەسكەن ءبىلىم باع­­دارلامالارى مەن قوس ديپلوم باعدارلامالارىن ىسكە اسىرۋ, 3. ين­ۆەس­تورلار ەسەبىنەن قارجىلاندىرۋ جانە پرەفەرەنتسيالار پاكەتىن ۇسىنۋ ارقىلى). جالپى, 2029 جىلعا قاراي ەلىمىزدە شەتەلدىك جوو فيليالدارى ەل ەكونوميكاسى ءۇشىن قاجەتتى 2000-نان اسا جوعارى بىلىكتى مامان دايارلايدى. قازاقستاندى ەۋرازيا ايماعىنداعى ۇلكەن اكادەميالىق حابقا اينالدىرۋدى جوسپارلاپ وتىرمىز. بۇل ءۇشىن ەلگە شەتەلدىك برەندتەردى اكەلۋ قاجەت. شەتەلدىك ۋنيۆەرسيتەتتەردىڭ قازاقستانعا كەلىپ, ءوز ينۆەس­تيتسياسىمەن عي­ماراتىن سالىپ نەمەسە ساتىپ الىپ, شەتەلدىك فورماتپەن وقىتۋىنا رۇقسات بەردىك, جوو ارنايى ۇكىمەتتىك قاۋلىلارمەن جۇمىسىن اتقارىپ جاتىر. مىسالى, الماتىدا «De Montfort» ۋنيۆەرسيتەتىنەن كەلەر جىلى تۇڭ­عىش تۇلەكتەرىمىز شىعادى», دەدى س.نۇربەك.

ءمينيستردىڭ مالىمدەۋىنشە, مەملەكەتتىك تاپسىرىس ەسەبىنەن قارجىلاندىرۋ ارقىلى ءۇش فيليال جۇمىسىن باستادى. 2022 جىلى ءال-فارابي اتىنداعى قازاق ۇلتتىق ۋني­ۆەرسيتەتىنىڭ بازاسىندا قۇرىلعان «ميفي» ۇلتتىق يادرولىق زەرتتەۋ ۋنيۆەرسيتەتىنىڭ فيليالى, ي.م.گۋبكين اتىنداعى رەسەي مەملە­كەتتىك مۇناي جانە گاز ۋنيۆەرسيتەتىنىڭ فيليالى 2022 جىلى س.وتەباەۆ اتىن­داعى اتىراۋ مۇناي جانە گاز ۋنيۆەرسيتەتىنىڭ بازاسىندا اشىلدى. اتالعان فيليالدارعا 200 گرانت ءبولىندى, ميفي-دە 94 ستۋدەنت, گۋبكين فيليالىندا 61 ستۋدەنت وقيدى. سونىمەن قاتار «University Heriot Watt» فيليالى 2023 جىلى ق.جۇبانوۆ اتىنداعى اقتوبە وڭىرلىك ۋنيۆەر­سيتەتىنىڭ بازاسىندا قۇرىلدى. بۇل فيليا­ل بويىنشا 300 گرانت ءبولىندى, 286 ستۋدەنت ءبىلىم الىپ جاتىر.

«ال ستراتەگيالىق سەرىكتەس­تىك مودەلى بو­يىن­شا ەكى فيليال اشىلدى. م.قوزىباەۆ اتىنداعى سولتۇستىك قازاقستان ۋنيۆەرسيتەتى 2022 جىلى «University of Arizona»-مەن كەلىسىمگە وتىردى. بۇل باعىتتا 10 ماماندىققا 1200 گرانت ءبولىندى, 589 ستۋدەنت وقيدى. ال ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتى بازاسىندا 2022 جىلى بەرلين تەحنيكالىق ۋنيۆەرسيتەتى, دارمشتات تەح­نيكالىق ۋنيۆەرسيتەتى, بەر­لين ەركىن ۋنيۆەرسيتەتى, گام­­بۋرگ قولدانبالى عىلىم­دار ۋنيۆەرسيتەتىمەن كونسورتسيۋم قۇرىلدى. شەتەلدىك سە­رىكتەس جوعارى وقۋ ورىندا­رى­نىڭ قاراجاتى ەسەبىنەن سەمەي قالاسىنداعى شاكارىم ۋنيۆەرسيتەتى بازاسىنداعى پولشا ەكونوميكا ۋني­ۆەر­سيتەتىنىڭ فيليالى مەن ءى.جان­سۇگىروۆ اتىنداعى جەتىسۋ ۋني­ۆەرسيتەتى بازاسىنداعى مار­كە پوليتەحنيكالىق ۋنيۆەر­سيتەتىنىڭ (يتاليا) فيليالى; قورقىت اتا اتىنداعى قىزىلوردا ۋنيۆەرسيتەتىندە سەۋل­تەحتىڭ (وڭتۇستىك كورەيا) جاساندى ينتەللەكت جانە ينفورماتيكا جوعارى مەكتەبى; وسكەمەن قالاسىنداعى د.سەرىكباەۆ اتىنداعى شقتۋ با­زاسىنداعى «Luban» (قحر) شەبەرحاناسى اشىلدى. بيىل ل.ن.گۋميلەۆ اتىنداعى ەۇۋ بازاسىندا ەكىنشى شەبەرحانا قۇرىلىپ جاتىر», دەدى مينيستر.

بريفينگتە باياندالعانداي, ەلىمىزدە ەندى تاعى 8 شەتەلدىك جوو فيليالى اشىلادى. ازىرگە بەلگىلىسى: م.دۋلاتي اتىنداعى تاراز وڭىر­لىك ۋنيۆەرسيتەتى بازاسىندا د.ي.مەن­دەلەەۆ اتىنداعى رەسەي حيميا-تەحنو­لو­گيا­لىق ۋني­ۆەرسيتەتىنىڭ, وڭتۇستىك قازاق­ستان پەداگوگيكالىق ۋنيۆەرسيتەتى بازاسىندا گازي ۋنيۆەرسيتەتتىڭ (تۇركيا), اس­تانا حالىقارالىق ۋنيۆەرسيتەتى بازاسىندا بەيجىڭ تىلدەر جانە مادەنيەت ۋنيۆەرسيتەتىنىڭ (قحر); نارحوز ۋنيۆەرسيتەتى بازاسىندا كۆينس ۋنيۆەرسيتەتىنىڭ (يرلان­ديا) فيليالى اشىلادى. كايست جانە ۆۋسونگ ۋنيۆەرسيتەتتەرىمەن (وڭتۇستىك كورەيا) كەلىسسوز جۇرگىزىلىپ جاتىر.

200 جىلدىق تاريحى بار بري­تاندىق «حەريوت-ۋوتت» ۋنيۆەرسيتەتى ءتورتىنشى وندى­رىستىك رەۆوليۋتسياعا كادر دايارلاۋ ماقس­اتىندا ءوز باعدارلامالارىن بۇكىل الەمگە اشۋعا تىرىسىپ كەلەدى. اتالعان جوو قازاقستاندا دا وسىنداي باس­تامانى قولعا الدى. بۇل تۋرالى «حەريوت-ۋوتت» ۋني­ۆەرسيتەتىنىڭ پروۆوستى جانە ۆيتسە-كانتسلەرىنىڭ ورىنباسارى مارك بيگس ءباسپاسوز جيىنىندا ايتتى.

«وسىدان 2 جىل بۇرىن الەمدى ارالاپ, ۇزدىك لوكاتسيا ىزدەدىك. بىلتىر سىزدەردىڭ عىلىم جانە جوعارى ءبىلىم مينيسترىمەن كەزدەستىك, قازاقستاننىڭ امبيتسياسى ءبىزدى تاڭعالدىردى. وسى ۇسىنىستى قابىلداپ, ءۇشىنشى كامپۋس­تى قازاقستاندا اشۋعا شەشىم شىعاردىق. تاڭداۋىمىز اقتوبەدەگى ق.جۇبانوۆ ۋنيۆەر­سيتەتىنە ءتۇستى. ءبىزدىڭ ماقساتىمىز – ءبىلىم ورداسىن حالىقارالىق ۋنيۆەرسيتەت دەڭگەيىنە جەتكىزۋ. بۇعان بار كۇشىمىزدى سالامىز»,  دەدى سپيكەر. ونىڭ ايتۋىنشا, «حەريوت-ۋوتت» ۋنيۆەرسيتەتىنىڭ ماماندارى قازاقستاندىق جوو-نىڭ ءبىلىم ساپاسىن كوتەرىپ, كاسىبي مامان دايارلاۋعا باسىمدىق بەرەدى. شەتەلدىكتەر جىلىنا 300 ستۋدەنتتى وقىتۋعا قاۋقارلى. باكالاۆريات باع­دار­لاماسى 3 باعىتتا جۇر­گىزىلەدى: ەلەكتروندىق جانە ەلەكتريكالىق ينجەنەريا, كوم­پيۋتەرلىك ينجەنەريا, مۇناي-گاز ينجەنەرياسى. الداعى ۋاقىت­تا مۇندا ور­تالىق ازيا ەلدە­رىنىڭ ستۋدەنتتەرى دە وقۋعا تۇسۋگە مۇمكىندىك الادى. سونىمەن قاتار PhD باعدارلامالارىن اشۋ كوز­دەلگەن.