ءبىر كۇندە – 60 پاتەر

قالانىڭ الاشاحان داڭعىلى بويىن­داعى پايدالانۋعا جاڭا بەرىلگەن 34 ا ءۇيدىڭ تۇرعىندارىنا پاتەر كىلتىن تابىستاۋعا وبلىس اكىمى بەرىك ابدىعالي ۇلى مەن وبلىستىق ءماسليحات توراعاسى باۋىرجان شىڭعىسوۆ ارنايى كەلدى.

جاڭا پاتەرلەردىڭ 13-ءى كوپبالالى وتباسىلارعا, 15-ءى جەتىم, اتا-انا قامقور­لىعىنسىز قالعان بالالارعا, 32-ءسى حالىقتىڭ الەۋمەتتىك جاعىنان وسال توپتارىنا جاتاتىن ازاماتتارعا بەرىلدى.

سالتاناتتى ساتتە وبلىس باسشىسى جەزقازعان قالاسىندا بيىل 270 پاتەر پايدالانۋعا بەرىلەتىنىن ما­لىمدەپ, جالپى وبلىس بويىنشا تۇرعىن ءۇي قۇرىلىسى قار­قىن العانىن قۋانا جەتكىزدى.

«قازىرگى كەزدە وبلىستىڭ بارلىق ءوڭىرىن قوسا ەسەپتەگەندە 36 مىڭ شارشى مەترگە جۋىق تۇرعىن ءۇيدىڭ قۇ­رىلىسى جۇرۋدە. بۇل – 400-گە جۋىق باس­پانا دەگەن ءسوز. ارينە, كەزەكتە تۇرعاندار سانى بارشىلىق. سوندىقتان ءبىزدىڭ مىندەتىمىز – تۇرعىن ءۇي قۇرىلىسىنىڭ بارىنشا قارقىندى جۇرگىزىلۋىنە قو­لايلى جاعداي تۋدىرۋ», دەدى وبلىس اكىمى.

پاتەر كىلتىن العانداردىڭ ءبىرى كوپبالالى انا جانات ەسەتوۆا ەدى.

ء«بىز كوپتەن بەرگى ارما­نىمىزعا قول جەتكىزدىك. وسىنداي ءىستىڭ باسى-قاسىندا جۇرگەن بارشا ازاماتتارعا ال­عىسىمىز شەكسىز», دەدى جا­نات فەرمەبايقىزى قۋانىشىن جاسىرا الماي.

ءبىر كۇندە 60 پاتەردىڭ كىلتى تاپسىرىلعان جاعداي جەز­قازعاندا كوپتەن بەرى بولا قويماعان وقيعا ەدى. حالىقتىڭ ەرەكشە قۋانىشقا كەنەلگەنى دە سوندىقتان. بۇل جاڭا وبلىستىڭ ەرتەڭىنە دەگەن سەنىمدى نىعايتا تۇسكەنى انىق.

جەزقازعان