كولىك مينيسترلىگى اپپاراتى باسشىسىنىڭ بۇيرىعىمەن دارحان قاتىشەۆ ازاماتتىق اۆياتسيا كوميتەتى توراعاسىنىڭ ورىنباسارى قىزمەتىنە تاعايىندالدى, دەپ جازادى Egemen.kz.
قاتىشەۆ دارحان مارات ۇلى 1983 جىلى اقمولا وبلىسى, ەرەيمەنتاۋ قالاسىندا دۇنيەگە كەلگەن. 2020 جىلى قازاقستان رەسپۋبليكاسىنىڭ ازاماتتىق اۆياتسيا اكادەمياسىن «اۆياتسيالىق ينجەنەر-تەحنولوگ» ماماندىعى بويىنشا, 2004 جىلى قازاقستان رەسپۋبليكاسى ىشكى ىستەر مينيسترلىگىنىڭ قوستاناي زاڭ ينستيتۋتىن «قۇقىقتانۋ» ماماندىعى بويىنشا بىتىرگەن. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ تۇلەگى.
ەڭبەك جولىن 2004 جىلى قر ىشكى ىستەر ورگاندارىندا باستاعان. 2008-2009 جىلدارى قر كولىك جانە كوممۋنيكاتسيا مينيسترلىگىنىڭ زاڭ دەپارتامەنتىندە ساراپشى, باس ساراپشى, 2009-2019 جج. قر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ اۆياتسيالىق قاۋىپسىزدىك باسقارماسىنىڭ باسشىسى, 2019-2023 جىلدارى «قازاقستاننىڭ اۆياتسيالىق اكىمشىلىگى» اق اۆياتسيالىق قاۋىپسىزدىك دەپارتامەنتىنىڭ ديرەكتورى بولىپ جۇمىس ىستەدى.
2023 جىلدىڭ تامىز ايىنان باستاپ قازىرگى ۋاقىتقا دەيىن قر كولىك مينيسترلىگىنىڭ كولىكتەگى وقيعالار مەن وقىس وقيعالاردى تەكسەرۋ دەپارتامەنتىنىڭ ديرەكتورى قىزمەتىن اتقاردى.