ونكولوگيالىق ورتالىق سالىنادى

وكىنىشكە قاراي, وڭىر­دە جىلدان جىل­­­­عا ونكولو­گيا­لىق سىرقاتقا دۋشار بولعان تۇر­­عىنداردىڭ سانى ارتىپ كەلەدى. بۇل ماسەلە ۇكىمەتتە دە كوتەرىلگەن. 2022 جىلى مەم­لەكەت باسشىسى قاسىم-جومارت توقاەۆ وبلىسقا كەلگەن جۇمىس ساپارىندا وسىنداي ورتالىق سالۋ تۋرالى تاپسىرما بەرگەن. وسى رەتتە وبلىس اكى­مى بەيبىت يساباەۆتىڭ باس­تاماسىمەن دەنساۋلىق ساقتاۋ مينيسترلىگى جانە «Kazakhmys Holding» ينۆەستور-كومپانياسى ءۇش جاقتى مەموراندۋمعا قول قويدى. مۇنداعى ماقسات – وبلىستاعى دەنساۋلىق سالاسىن جانداندىرۋ عانا ەمەس, تۇرعىنداردىڭ قاۋىپسىزدىگىن ساقتاۋ.

ء«ارتۇرلى نۇسقالار بولدى. الدىمەن ءبىز سالىنىپ جات­قان عيماراتتىڭ قولدانىلۋ ماق­ساتىن وزگەرتۋدى جوسپارلادىق, وندا وبلىس بولىنگەنگە دە­يىن سوت عيماراتى بولادى دەپ جوس­پارلانعان. بىراق وبەكتيۆتى سەبەپتەرگە بايلانىستى بۇل جوسپارعا سايكەس كەلمەدى. ەندى ول جەردە 500 ورىندىق ەمحانا بولادى, بۇل جاڭادان كەڭەيىپ كەلە جاتقان شاعىن اۋدان ءۇشىن وتە قاجەت. ءبىز كەربۇلاق اۋدانىندا مىس وندىرەتىن تاۋ-كەن بايىتۋ كوم­بيناتىن سالۋمەن اينالىسىپ جاتقان «Kazakhmys Holding» كومپانياسىنىڭ باسشىلىعىمەن جارتى جىل كولەمىندە كەلىسسوزدەر جۇر­گىزدىك. بۇل – قۇنى 1 ترلن تەڭ­گە شاماسىنداعى ۇلكەن ين­ۆەستيتسيالىق جوبا. ەدۋارد ۆيكتوروۆيچ كومپا­نيا قا­را­جاتى ەسەبىنەن ونكو­لو­گيا­لىق ورتالىق سالۋ جو­نىن­­دە­گى ۇسىنىسىمىزدى قول­دادى. بۇگىن ءبىز ارنايى مەمو­ران­دۋمعا قول قويۋ ارقىلى ۋاعدا­لاستىعىمىزدى رەسمي تۇردە بەكىتەمىز», دەدى ب.يساباەۆ.

بۇگىندە ونكولوگيالىق اۋرۋ­­لار جۇرەك-قان تامىرى اۋرۋ­لارىنان كەيىنگى 2-ورىندا تۇر. سون­دىقتان قازىر­گى زامانعى ون­كولوگيالىق ور­تا­لىقتىڭ قۇرىلىسى ون­كو­لوگيالىق اۋرۋ­لارمەن كۇرە­سۋ­دىڭ جۇيەلى شاراسى رەتىن­دە اسا قاجەت. مۇنى «Kazakh-­mys Holding» جشس ديرەك­تور­لار كەڭەسى­نىڭ توراعا­سى ەدۋارد وگاي ­ايتىپ وتىر. 1993 جىلدان ­بەرى جۇمىس ىستەپ ­كەلە جات­قان كومپانيا الەۋ­مەت­تىك ماسەلەلەر­گە باعدارلانعان.

«بۇعان دەيىن قازاقستان بويىنشا بىرنەشە الەۋمەت­تىك ماڭىزدى جوبالاردى ىسكە اسىردىق. سۋ تاسقىنى مەن ونىڭ سالدارىمەن كۇرەس كە­زىندە دە سىرت قالعان جوق­پىز. جوسپارلانىپ وتىر­عان كەن بايىتۋ كومبينا­تى­نىڭ قۇرىلىسى مەتال­لۋر­­گيا­نىڭ دامۋىنا, جاڭا جۇ­مىس ورىندارىنىڭ اشى­لۋى­نا ىقپال ەتەتىن بولا­دى. الەۋمەتتىك جاۋاپكەر­شى­لىگىمىزدى تۇسىنە وتىرىپ, ءبىز ون­كولوگيالىق ورتالىق سا­لۋ جونىندەگى ۇسىنىستى قول­دادىق. كومبينات سالۋمەن قاتار, وسى ماڭىزدى مەدي­تسي­نالىق مەكەمەنىڭ قۇرى­لى­سىمەن دە قاتار اينالىسامىز», دەيدى ە.وگاي.

ءوڭىر اكىمى ءباسپاسوز قىز­مە­تىنىڭ مالىمەتىنشە, مۇن­دا بيۋدجەت قاراجاتىن ءتيىم­دى پايدالانۋ ماقساتىندا جام­بىل وبلىسىنداعى 200 ورىن­دىق ونكولوگيالىق ورتا­لىق قۇرىلىسىنىڭ جوبا­سى نەگىزگە الىنىپ وتىر. بۇل رەت­تە ەڭ ماڭىزدىسى – ورتا­لىقتى زاماناۋي ماتەريال­دىق-تەحنيكالىق بازامەن قام­تاماسىز ەتۋ. بۇل ماسەلەدە دەن­­ساۋلىق ساقتاۋ مينيسترلىگى جاردەمدەسەدى.

ءبىرىنشى ۆيتسە-مينيستر تيمۋر سۇلتانعازيەۆتىڭ ايتۋىنشا, قازىر ونكولوگيا­لىق سىرتقاتتار بويىنشا كورسەتىلەتىن قىزمەتتى دا­مى­تۋعا باسىمدىق بەرىلەدى. «ون­كولوگيالىق اۋرۋلاردىڭ جىل سايىنعى ورتاشا ءوسىمى 5 پايىزدى قۇرايدى. بۇل رەتتە ءولىم-ءجىتىم 2-3 پايىزعا تو­مەندەدى. وسىنداي اۋرۋمەن اۋىراتىن ناۋقاستاردىڭ 5 جىلعا دەيىن ءومىر ءسۇرۋىن 60 پايىزعا دەيىن جەتكىزۋدى كوزدەپ وتىرمىز. ول ءۇشىن ەل پرەزيدەنتىنىڭ تاپسىرماسى بويىنشا 2023-2027 جىل­دار­عا ارنالعان ونكولوگيا­لىق اۋرۋلارمەن كۇرەس جونىن­دەگى كەشەندى جوسپار بەكىتىلدى, ونىڭ شەڭبەرىندە جەتىسۋ وبلىسى ءۇشىن ارنايى جوعارى تەحنولوگيالى, مەديتسينالىق اۋىر جابدىقتار ساتىپ الۋ كوزدەلگەن. اكىمدىك پەن دە­مەۋ­شىنىڭ ونكولوگيالىق قىز­مەتتى دامىتۋعا باسا نازار اۋدارعانى ءبىزدى قۋانتىپ وتىر», دەدى ت.سۇلتانعازيەۆ.

مۇنان سوڭ قازاق ونكولوگيا جانە راديولوگيا عىلى­مي-زەرتتەۋ ينستيتۋتىنىڭ دي­­رەكتورى ديليارا قايدا­رو­­ۆا تالدىقورعاندا جۇمىس ىس­تەپ تۇرعان ونكولوگيالىق ور­تا­لىقتىڭ مورالدىق ءارى في­زي­كالىق تۇرعىدان ەسكىر­گەنىن, ال زاماناۋي جاب­دىق­تارمەن جاساقتالعان جاڭا ورتا­لىق­تىڭ قۇرىلىسى ينس­­تيتۋت ءۇشىن ەرتە دياگ­نوس­تيكانىڭ ساپا­سىن ارت­تى­رۋعا كومەكتەسەتىنىن, ين­نوۆاتسيالىق وڭدى ەم ۇيىم­داستىرۋعا ىقپال ەتەتىنىن اتاپ ءوتتى.

وبلىس باسشىسى كادر ما­سەلەسى ەرەكشە وزەكتى ەكەنىن تىلگە تيەك ەتتى. جەتىسۋدا زاماناۋي ونكولوگيالىق ورتا­لىقتى سالۋ تۋرالى شە­شىم قابىلدانعانعا دە­يىن بە­كىتىلگەن كەشەندى جوس­پار­داعى بەلگىلەنگەن جاب­دىق­تار ەندىگى جەردە جەت­كى­لىك­سىز بولاتىنىن, قوسىمشا قا­جەتتىلىك تاعى دا ارتاتى­نىن ايتتى. دەنساۋلىق ساق­تاۋ مينيسترلىگى مەن مامان­داندىرىلعان ينستيتۋتتىڭ وكىلدەرى وسى ەكى ماسەلەنى شە­­شۋدە قاجەتتى قولداۋ كور­سەتى­لەتىنىنە سەندىردى.

كەزدەسۋ سوڭىندا ءۇش جاق­­تى مەموراندۋمعا قول قو­­يىلدى. بەيبىت يساباەۆ جيىن­­دى قورىتىندىلاي كە­لە, الەۋ­مەتتىك ماڭىزى بار ىس­تەگى العاشقى قادام جۇزەگە اسى­رىلعانىن, بۇدان ءارى ينۆەس­تور كومپانيا وكىلدەرى مەن وب­لىستىق قۇرىلىس باسقارماسى ارا­سىندا كەلىسىمگە قول قويى­لاتىنىن جەتكىزدى.

جەتىسۋ وبلىسى