استاناداعى قابانباي باتىر داڭعىلىنىڭ ۋچاسكەسى 11 ماۋسىم ساعات 06:00-دەن 14 ماۋسىم ساعات 06:00-گە دەيىن جوندەۋگە جابىلادى, دەپ حابارلايدى Egemen.kz.
«استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم قابانباي باتىر داڭعىلى بويىنشا حۋسەين بەن تالال كوشەسىنەن ۇلى دالا داڭعىلىنا دەيىنگى ۋچاسكەدە جول توسەمىنە ورتاشا جوندەۋ جۇمىستارىن جۇرگىزەدى.
قابانباي باتىر/حۋسەين بەن تالال جانە قابانباي باتىر/ ۇلى دالا قيىلىستارى اشىق بولادى.
«استانا تۇرعىندارى مەن قوناقتارىن قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم سۇرايمىز جانە جول-قۇرىلىس جۇمىستارى جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن حابارلامادا.
قىرمىزى جۇماعاليقىزى, ەۇۋ ستۋدەنتى