بۇگىن باس پروكۋراتۋرانىڭ قىزمەتكەرلەرى قازاقستان ازاماتىن ادام ولتىرگەنى ءۇشىن قىلمىستىق جاۋاپتىلىققا تارتۋ ماقساتىندا رەسەيدەن ەكستراديتسيالادى, دەپ حابارلايدى Egemen.kz.
«ول 2023 جىلى قاڭتاردا شىمكەنت قالاسىندا الدىن الا ءسوز بايلاسۋ ارقىلى ءبىر توپ اداممەن كىسى ولتىرگەن. كۇدىكتىنىڭ سىبايلاستارى ءتۇرلى جازا بويىنشا سوتتالدى, ال فيگۋرانت قىلمىس جاساعاننان كەيىن جاسىرىنۋىنا بايلانىستى حالىقارالىق ىزدەستىرۋگە جاريالانعان. وتكەن جىلعى جەلتوقساندا ول رەسەي فەدەراتسياسىنىڭ اۋماعىندا ۇستالدى», دەپ حابارلادى باس پروكۋراتۋرا.
قازاقستان باس پروكۋراتۋراسىنىڭ سۇراۋى بويىنشا رەسەيلىك تاراپ كۇدىكتىنى قازاقستان رەسپۋبليكاسىنا ەكستراديتسيالاۋ تۋرالى شەشىم قابىلدادى.
قازىرگى ۋاقىتتا كۇدىكتى تەرگەۋ يزولياتورىنا قامالدى. ايىپتالعان قىلمىستى جاساعانى ءۇشىن ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نەمەسە ءومiر بويىنا باس بوستاندىعىنان ايىرۋ تۇرىندەگى جازا قاراستىرىلعان.