باتىس قازاقستان وبلىسى كازتالوۆ اۋدانىنىڭ پروكۋراتۋراسى كوكتەرەك اۋىلدىق وكرۋگى اكىمدىگىندە 7 ميلليون تەڭگەدەن استام بيۋدجەت قاراجاتىن جىمقىرعان ەسەپشىنىڭ ءىسىن اشكەرەلەدى, دەپ جازادى Egemen.kz.
ول 3 جىل بويى ءوز شوتىنا نەگىزسىز قارجى اۋدارىپ وتىرعان. ونىڭ قىلمىسى شتاتتىق كەستە مەن بانك شوتتارىن سالىستىرۋ كەزىندە انىقتالدى.
اتالعان فاكت بويىنشا اۋدان پروكۋراتۋراسى سوتقا دەيىنگى تەرگەۋ امالدارىن باستاپ, قىلمىستىق ءىستى سىبايلاس جەمقورلىققا قارسى قىزمەتكە جولداعان ەدى.
تەرگەۋ بارىسىندا ەسەپشى ءوز كىناسىن مويىنداپ, كەلتىرىلگەن شىعىندى تولىق وتەدى.
ايىپتالۋشى بۇدان بىلاي لاۋازىمدى قىزمەتتى اتقارۋ قۇقىنان شەكتەلىپ, 3 جىلعا باس بوستاندىعىنان ايىرۋ ۇكىمى كەسىلدى.
سوتتالۋشىنىڭ جاس بالاسى بارى ەسكەرىلىپ, جازا مەرزىمى 2 جىلعا شەگەرىلدى.
سوت اكتىسى زاڭدى كۇشىنە ەندى.