ۇلىتاۋ وبلىسىندا جانتۇرشىگەرلىك جول اپاتى بولدى

قايعىلى وقيعا جەكسەنبى, 26 مامىر كۇنى ساعات 14:15 شاماسىندا رەسپۋبليكالىق ماڭىزى بار جەزقازعان – پەتروپاۆل تاسجولىنىڭ ساتباەۆ قالاسىنان جەزدى اۋىلىنا دەيىنگى ۋچاسكەدە بولعان.

ساتباەۆ قالاسىنان ۇلىتاۋ اۋدانى باعىتىندا كەلە جاتقان 2002 جىلى تۋعان جۇرگىزۋشى باسقارعان Mercedes-Benz 190 ماركالى اۆتوكولىگى قارسى جولاققا شىعىپ كەتىپ, 1978 جىلى تۋعان جۇرگىزۋشى باسقارعان Chevrolet Nexia كولىگىمەن بەتپە-بەت سوقتىعىسقان.

اپات سالدارىنان Chevrolet Nexia كولىگىنىڭ جۇرگىزۋشىسى مەن ونىڭ ءۇش جولاۋشىسى – 1978, 1981 جانە 1971 جىلى تۋعان ايەلدەر, سونداي-اق Mercedes-Benz 190 كولىگىندەگى 2002 جىلى تۋعان جولاۋشى وقيعا ورنىندا كوز جۇمدى.

Mercedes-Benz 190 كولىگىنىڭ جۇرگىزۋشىسى مەن 2002 جىلى تۋعان جولاۋشىسى جەزقازعان قالاسىنىڭ ورتالىق اۋرۋحاناسىنا جەتكىزىلدى. ولار ۇلىتاۋ وبلىسى توتەنشە جاعدايلار دەپارتامەنتىنىڭ كىشى سەرجانت شەنىندەگى قىزمەتكەرلەرى.

سونداي-اق ءتۇرلى دەنە جاراقاتتارىمەن جەزقازعان قالاسىنىڭ ورتالىق اۋرۋحاناسىنا Chevrolet Nexia كولىگىنىڭ جولاۋشىلارى – 1999 جىلى تۋعان ايەل مەن 2023 جىلى تۋعان قىز بالا جەتكىزىلدى.

اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-بولىگى «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بويىنشا تىركەلدى.