اتاۋلى كومەك شىن مۇقتاجعا بەرىلەدى

بۇرىن حابارلانعانداي, ااك-ءتىڭ نەگىزگى ماقساتى – وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋ شارالارىنا تارتۋ ارقىلى وتباسىن قيىن جاعدايدان شىعارۋ, اقشالاي قولداۋ كورسەتۋ. تا­بىسى وڭىرلىك ەڭ تومەن كۇنكورىس دەڭگەيىنىڭ 70%-ىنان اسپايتىن ازاماتتارعا توقسان سايىن الەۋمەتتىك كومەك بەرىلەدى. وسىنداي وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك (5 538 تەڭگە) كولەمىندە اي سا­يىن قوسىمشا تولەم قاراستىرىلعان. 1 مامىرداعى مالىمەتكە سۇيەنسەك, ااك الۋشىلار قاتارىنان مەكتەپ جاسىنا دەيىنگى 104,3 مىڭ بالاعا 1,9 ملرد تەڭگە سوماسىنا قوسىمشا تولەم ءبولىندى.

سونىمەن قاتار سۋ تاسقىنىنا بايلانىستى توتەنشە جاعداي رەجىمى جاريالانعان قالالار مەن اۋدانداردا وسى جىلدىڭ ەكىنشى توقسانىندا 5 مىڭ وتباسىنا اۆتوماتتى تۇردە ااك تاعايىندالدى.

بيىل اقپاندا وتكەن ۇكىمەتتىڭ كەڭەيتىلگەن وتىرىسىندا پرەزيدەنت حالىقتى الەۋمەتتىك قول­داۋدىڭ قۇرىلىمى مەن تەتىكتەرىن قايتا قا­راۋدى, الەۋمەتتىك كومەكتىڭ تيىمدىلىگىن ارتتىرۋدى تاپسىردى. مەملەكەت باسشىسىنىڭ وسى تاپسىرماسىن ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى ازاماتتاردىڭ جيىنتىق كىرىستەرى مەن شىعىستارىن ايقىنداۋدى ەسكەرە وتىرىپ, اتاۋ­لى الەۋمەتتىك كومەك كورسەتۋدىڭ بيزنەس-ۇدەرىسىن ترانسفورماتسيالاۋ تەتىگىن ازىرلەۋ بويىنشا جۇمىس جۇرگىزىپ جاتىر. بۇل, شىن مانىندە, مۇقتاج ازاماتتاردى انىقتاۋعا, ولارعا مەملەكەت تاراپىنان نىسانالى قولداۋدى قامتاماسىز ەتۋگە مۇمكىندىك بەرەدى.

جىلجىمالى نەمەسە جىلجىمايتىن م ۇلىكتى ساتىپ الۋعا, وقۋ اقىسى مەن قوسىمشا ءبىلىم الۋعا, دەمالىس پەن ويىن-ساۋىققا, ساۋىقتىرۋعا, جيھاز, تۇرمىستىق تەحنيكا زاتتارىن ساتىپ الۋعا, كرەديتتەردى وتەۋگە, تاعى باسقا قاجەت نەگىزگى شىعىستاردىڭ تۇرلەرىن كوزدەۋ جوسپارلانىپ وتىر.

ازاماتتاردىڭ شىعىستارى تۋرالى مالىمەتتەردى الۋعا ءتيىستى مەملەكەتتىك ورگاندار مەن ۇيىمداردىڭ – ونەركاسىپ جانە قۇرىلىس, تسيفرلىق دامۋ, دەنساۋلىق ساقتاۋ, وقۋ-اعارتۋ, عىلىم جانە جوعارى ءبىلىم مينيسترلىكتەرىنىڭ, ۇلتتىق بانكتىڭ اقپا­راتتىق جۇيەلەرىنىڭ ينتەگراتسياسى قارالادى.