بۇگىن وتكەن ءماجىلىستىڭ جالپى وتىرىسىندا «نەكە (ەرلى-زايىپتىلىق) جانە وتباسى تۋرالى» كودەكسكە وزگەرىستەر مەن تولىقتىرۋلار ەنگىزىلەتىنى ءمالىم بولدى, دەپ جازادى Egemen.kz.
ونىڭ ىشىندە جاڭا تۋعان نارەستەنى تاستاپ كەتكەنى تۋرالى حابارلاماعانى ءۇشىن مەديتسينالىق ۇيىمدار مەن بالالار ءۇيىنىڭ قىزمەتكەرلەرىن اكىمشىلىك جازاعا تارتۋ ماسەلەسى دە بار.
ەندى جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ۇيىمدار ولاردى قابىلداۋ فاكتىلەرى تۋرالى قورعانشىلىق نەمەسە قامقورشىلىق ورگاندارىنا جانە پروكۋراتۋراعا حابارلاۋعا مىندەتتى.«اكىمشىلىك قۇقىقبۇزۋشىلىق تۋرالى كودەكستە جاڭا تۋعان نارەستەنى تاستاپ كەتۋ فاكتىسى تۋرالى حابارلاماعان مەديتسينالىق ۇيىمدار مەن جەتىم جانە اتا-اناسىنىڭ قامقورلىعىنسىز قالعان بالالارعا ارنالعان ۇيىمداردىڭ لاۋازىمدى تۇلعالارىنا جاۋاپكەرشىلىك قاراستىرىلادى. بۇل رەتتە بالانىڭ قۇقىقتارىن قورعاۋ سالاسىنداعى ۋاكىلەتتى ورگاننىڭ مۇنداي ىستەردى قاراۋ قۇزىرەتى ايقىندالادى», دەلىنگەن ءماجىلىستىڭ ءباسپاسوز قىزمەتى تاراتقان حابارلامادا.