قازاقستان ازاماتتارى ومانعا تىكەلەي رەيسپەن ۇشا الادى, دەپ حابارلايدى Egemen.kz.
«بيىلعى 18 ماۋسىمنان باستاپ «Salam Air» ومان اۋەكومپانياسى الماتى – ماسكات باعىتى بويىنشا اۋە قاتىناسىن قالپىنا كەلتىرۋدى جوسپارلاپ وتىر. رەيستەر سىيىمدىلىعى 180-230 ورىندىق «ەيرباس-ا320/ا321» ۇلگىسىندەگى اۋە كەمەلەرىندە اپتاسىنا 2 رەت (سەيسەنبى جانە جۇما كۇندەرى) ورىندالادى», دەلىنگەن حابارلامادا.
اۋە قاتىناسىن قالپىنا كەلتىرۋ ەكى ەل اراسىنداعى ساۋدا-ەكونوميكالىق, ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتەدى.