سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى اندرەي لۋكين ۇجىمدىق قاۋىپسىزدىك تۋرالى شارت ۇيىمى پارلامەنتتىك اسسامبلەياسىنىڭ ساياسي ماسەلەلەر جانە حالىقارالىق ىنتىماقتاستىق جونىندەگى تۇراقتى كوميسسياسىنىڭ كەزەكتەن تىس وتىرىسىنا قاتىستى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەناتور اقپاراتتىق-كوممۋنيكاتسيالىق تەحنولوگيانىڭ ءبىر ءتۇرى رەتىندە جاساندى ينتەللەكت تەحنولوگياسىنىڭ تارالۋىنداعى وزەكتى ماسەلەلەردى باسقا ەلدەردەن كەلگەن ارىپتەستەرىمەن بىرگە تالقىلادى.
پارلامەنتشىلەر ءىس-شارا قورىتىندىسى بويىنشا جاساندى ينتەللەكت تەحنولوگيالارىن ازىرلەۋ جانە پايدالانۋ بارىسى رەتىمەن جۇزەگە اسىپ, قاۋىپسىز جانە سەنىمدى بولۋىن, ادامزات قوعامىنىڭ اسا ماڭىزدى ماسەلەلەرىن شەشۋگە باعىتتالۋى ءتيىس ەكەنىن اتاپ ءوتتى.