سىبايلاس جەمقورلىققا قارسى قىزمەت اۋىل شارۋاشىلىعى مينيسترلىگى بالىق شارۋاشىلىعى كوميتەتىنىڭ توراعاسى مەن وزگە دە تۇلعالارعا قاتىستى تەرگەۋدى اياقتادى, ءىس سوتقا جىبەرىلدى, دەپ حابارلايدى Egemen.kz.
ۆەدومستۆونىڭ حابارلاۋىنشا, بالىق شارۋاشىلىعى كوميتەتىنىڭ توراعاسى مەن كوميتەتتىڭ بالىق رەسۋرستارىن قورعاۋ جانە بالىق اۋلاۋدى رەتتەۋ باسقارماسىنىڭ باسشىسىنا قاتىستى 2021 جىلدان باستاپ 2024 جىلعى اقپانعا دەيىنگى كەزەڭدە جالپى قامقورلىعى ءۇشىن شاعىن جانە ورتا بيزنەس وكىلدەرىنەن جۇيەلى نەگىزدە پارا الدى دەگەن كۇدىككە ءىلىندى.
«تەرگەۋ سوتى كۇدىكتىگە قاتىستى «ەلەكتروندى بىلەزىكتى» قولدانا وتىرىپ, «ۇيقاماق» تۇرىندەگى بۇلتارتپاۋ شاراسىن سانكتسيالادى. قىلمىستىق ءىس ءمانى بويىنشا قاراۋ ءۇشىن استانا قالاسىنىڭ قىلمىستىق ىستەر جونىندەگى اۋدانارالىق سوتىنا جولداندى», دەپ حابارلادى انتيكور.
قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.