كوپتەن كۇتكەن كانال

ەرتىس-ۋسپەن كانالىنىڭ قۇرىلىسى كەڭەس زامانىندا قولعا الىنىپ, كەيىن توقتاپ قالعان. ۇزاق جىلدار تۇرىپ قالۋىنا بايلانىستى ونىڭ تۇبىنە ءشوپ ءوسىپ, سالىنعان بەتون پليتالارىن ەل-جۇرت تاراتىپ الىپ كەتكەن. 2020 جىلى سۋ قۇرىلىسى قايتادان قولعا الىندى. جوبا بويىنشا كانالدىڭ ۇزىندىعى – 13 شاقىرىم. بىراق قۇرىلىس جۇمىستارى كەيىنگى ەكى جىلدا سايابىرلاپ قالعان.

پاۆلودار وبلىسىنىڭ اكىم­­­­دى­­گى حابارلاعانداي, ەرتىس-ۋس­پەن­ سۋ ارناسىنىڭ قۇرىلىسى بيىلعى جىلدىڭ قاراشا ايىن­دا تولىق تاپسىرىلۋى كەرەك. قازىرگى ۋاقىتقا دەيىن قۇرىلىس جۇمىستارىنىڭ 50 پايىزى اياقتالعان. كانالدا جاڭادان سۋ سورعى ستانساسى مەن جاسان­دى سۋ جيناعىشتار سالىنا­دى دەپ جوسپارلانعان. نىسان تو­لىقتاي ىسكە قوسىلسا, 10 مىڭ گەكتار جەردى سۋارمالى القاپ­تارعا اينالدىرۋعا بولادى. شارۋاشىلىقتار ونىڭ ناتي­جەسىن­دە 500 مىڭ توننا اۋىل شا­رۋا­شىلىق داقىلدارىن وسىرە الادى.

پاۆلودار وبلىسىنىڭ اكىمى اسايىن بايحانوۆتىڭ سوزىنشە, قازىرگى ۋاقىتتا ءوڭىر اۋماعىندا 169,5 مىڭ گەكتار سۋارىلاتىن جەر بار. ءىس جۇزىندە بۇل اۋماقتىڭ تەك 72 مىڭ گەكتارى عانا سۋارىلا­دى. كەلەشەكتە وبلىستا جالپى كو­لەمى 300 مىڭ گەكتار جەردى سۋار­ما­لى القاپقا اينالدىرۋ جوس­پا­رى تۇر.

نەگىزى ەرتىس-بايان ءوڭىرى قاۋىپ­تى ەگىنشىلىك ايماعىندا ور­نالاس­قان­دىقتان, استىق القاپ­تارى كوبىنە كوكتەمگى ىلعالعا تاۋەلدى. سوعان وراي وڭىردەگى باي سۋ رەسۋرستارى مەن ەرتىس وزە­نى­نىڭ الەۋەتىن كەڭىنەن پايدا­لانۋ قاجەت. بۇل ءوز كەزەگىندە اۋىل­شارۋاشىلىق داقىلدارىن وندىرۋدە تۇراقتى جانە جوعارى كورسەتكىشتەرگە قول جەتكىزۋگە مۇمكىندىك بەرەدى.

ايتپاقشى, بۇعان دەيىن پاۆلودار وبلىسىنىڭ باسشى­لى­عى ايماقتا بۇقتىرما سياقتى جەكە سۋ قويماسىن سالامىز دەپ ايتقانى ەسىمىزدە. بۇل ۋادە قۇر ءسوز بولىپ قالمايتىنىنا سەنىمدىمىز.

پاۆلودار وبلىسى