جامبىل وبلىسىنىڭ 85 جىلدىق مەرەيتويى اياسىندا «ART & SCIENCE: بىلىمگە قۇشتارلىق» Jambyl Book Fest كىتاپ فەستيۆالى ۇيىمداستىرىلدى, دەپ حابارلايدى Egemen.kz.
«كونە تاراز» تاريحي-ەتنومادەني كەشەنىندەگى «كوركەمسۋرەت» گالەرەياسىندا وتكەن ءىس-شاراعا «القا», «Ziyat», «ساردار», «تايماس», «اتامۇرا» باستاعان وزگە دە باسپالار مەن ەسىمى ەلگە تانىس اۆتورلار, كىتاپ دۇكەندەرىنىڭ يەلەرى قاتىسىپ, ونىمدەرىن جۇرتشىلىققا ۇسىندى.
فەستيۆال اياسىندا د. قوناەۆ اتىنداعى جامبىل وبلىستىق بالالار مەن جاسوسپىرىمدەر كىتاپحاناسى «بالالارعا بازارلىق» book party ءىس-شاراسىن وتكىزدى.
«Smart» ونەر مەكتەبى بيشىلەرىنىڭ «باربي» بيىمەن اشىلعان ءىس-شارا ءارتۇرلى ەرتەگى كەيىپكەرلەرىنىڭ بەينەسىن سومداعان كىتاپحانا قىزمەتكەرلەرىنىڭ كورىنىستەرىنە ۇلاستى. ولار وقىرماندارمەن ءتۇرلى ويىندار ويناپ, ەرتەگى الەمىنە بىرگە ساياحات جاسادى. بالالار بارىنشا اتسالىسىپ, العان اسەرلەرىمەن ورتاعا سالدى.