الماتىدا 24 ءساۋىر مەن 31 مامىر ارالىعىندا گاندي كوشەسىنەن تيميريازەۆ كوشەسىنە دەيىن باتىس جەلتوقسان كوشەسى بويىندا كولىك قوزعالىسى ءىشىنارا شەكتەلدى, دەپ حابارلايدى Egemen.kz.
بۇعان ماگيسترالدىق قۇبىردى اۋىستىرۋ جانە جول جامىلعىسىن جوندەۋ جۇمىستارى سەبەپ بولدى.
الماتى اكىمدىگىنىڭ مالىمەتىنشە, تەحنيكالىق قىزمەت كورسەتۋ ستاندارتتارى بويىنشا ەسەپتەلگەن الاڭ 1992 جىلدان بەرى جۇمىس ىستەپ كەلەدى. مونيتورينگ بارىسىندا الداعى بەس جىلدا 17 اقاۋ تىركەلدى.
«قۇبىردى جوندەۋ جۇمىستارى كەزىندە كۇن سايىن ساعات 07:00-دەن 22:00-گە دەيىن باتىس جەلتوقسان كوشەسى بويىنشا كولىك قوزعالىسى سولتۇستىك باعىتتا ءبىر جاقتى بولادى. كۇن سايىن ساعات 22:00-دەن 07:00-گە دەيىن جانە دەمالىس كۇندەرى قوزعالىس ەكى جاققا دا جابىلادى. گاندي كوشەسىنەن وڭتۇستىك باعىتتا ءال-فارابي داڭعىلىنا شىعاتىن جول قوزىباەۆ كوشەسى بويىنشا ۇيىمداستىرىلادى», دەپ مالىمدەدى اكىمدىك.
قالالىق موبيلدىلىك باسقارماسى 2 مامىردان باستاپ باتىس جەلتوقسان كوشەسىندە ءال-فارابي داڭعىلىنان تيميريازەۆا كوشەسىنە دەيىن جوندەۋ جۇمىستارىن باستايدى.
«ەڭ الدىمەن تروتۋارلار مەن ارىق جەلىلەرى جوندەلەدى, ب ۇلىنگەن جيەكتەر ءىشىنارا اۋىستىرىلادى, سودان كەيىن اسفالت جابىنى فرەزەرلەنەدى. قۇبىردى جانە اسفالت جابىنىنىڭ تومەنگى قاباتىن توسەگەننەن كەيىن جولدىڭ بۇكىل ەنىنە پوليمەردى قولدانا وتىرىپ, اسفالتبەتون توسەۋ جۇرگىزىلەدى», دەپ ءتۇسىندىردى اكىمدىك وكىلدەرى.
الماتى اكىمدىگى جۇرگىزۋشىلەردەن كەلتىرىلگەن قولايسىزدىقتارعا تۇسىنىستىك تانىتىپ, كورسەتىلگەن ۋچاسكەنى اينالىپ ءوتۋ جولدارىن قاراستىرۋدى سۇرادى.
قىرمىزى جۇماعاليقىزى, ەۇۋ ستۋدەنتى