24-25 ءساۋىر ارالىعىندا تمد ەلدەرىنىڭ اۋماعىندا مەملەكەتارالىق جانە حالىقارالىق ىزدەۋدە جۇرگەن قىلمىسكەرلەردى انىقتاۋ جانە ۇستاۋ بويىنشا جەدەل-پروفيلاكتيكالىق ءىس-شارا وتكىزىلدى, دەپ حابارلايدى Egemen.kz رolisia.kz سايتىنا سىلتەمە جاساپ.
ءىىم كريمينالدىق پوليتسياسى 291 قىلمىسكەردى, ونىڭ ىشىندە ەل اۋماعىنان تىس جەردە 31 ادامدى, شەتەلدىك قۇقىق قورعاۋ ورگاندارىنىڭ سۇراۋى بويىنشا ەل اۋماعىندا 173 ادامدى ۇستادى.
ماسەلەن, اسا ءىرى مولشەردە الاياقتىق جاساعانى ءۇشىن ىزدەۋدە جۇرگەن ايەل سوچيدە قولعا ءتۇستى. ال الماتىدا كولىكتى ماس كۇيىندە ايداپ, ادام قاعىپ كەتكەن ەر ادام ۆارشاۆادا ۇستالدى.
وزبەكستاندا كىسى ءولتىرىپ, 2004 جىلدان بەرى ىزدەۋدە جۇرگەن قىلمىسكەر الماتى قالاسىندا جاسىرىنىپ جۇرگەن.
سونداي-اق تۇركىستان وبلىسىنىڭ سارىاعاش اۋدانىندا دەنساۋلىققا قاساقانا اۋىر زيان كەلتىرگەنى ءۇشىن 2015 جىلدان بەرى ىزدەۋدە جۇرگەن ەر ادام ۇستالدى. ول قىلمىسىن رەسەيدە جاساعان.
ودان بولەك, جوعالعان 59 ادامنىڭ ورنالاسقان جەرى انىقتالدى.