اتىراۋ وبلىسىنىڭ يندەربور كەنتىندە بولعان ءورت سالدارىنان ەكى ادامدى كۇيىك شالدى. قازىر ەكەۋى دە اۋرۋحانانىڭ جانساقتاۋ بولىمىندە جاتىر.
اتىراۋ وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, بىرەۋىنىڭ جاعدايى وتە اۋىر.
«يندەر اۋداندىق ورتالىق اۋرۋحاناسىنىڭ جانساقتاۋ بولىمىندەگى ەكى ناۋقاستىڭ ءبىرى – ايەلدىڭ جاعدايى اسا اۋىر جاعدايدا دەپ باعالانىپ وتىر. ناۋقاستىڭ دەنەسىنىڭ 90-95 پايىزىن كۇيىك شالعان. ال ەر ادامنىڭ جاعدايى ورتاشا اۋىر. قازىر ناۋقاستىڭ ەكەۋى دە جانساقتاۋ بولىمىندە جاتىر. ناۋقاستار اپپاراتقا قوسىلعان. ايەلدى اتىراۋ قالاسىنا جەتكىزۋ ءۇشىن ساناۆياتسيا قىزمەتى شاقىرىلدى», دەپ حابارلادى باسقارمانىڭ ءباسپاسوز قىزمەتى.