«سىرداريا-تۇركىستان مەملەكەتتىك وڭىرلىك تابيعي پاركى» كمم-نە قاراستى بورالداي فيليالىندا «قازاقستان-قىزعالداقتار وتانى» اتتى ءىس-شارا ۇيىمداستىرىلدى, دەپ حابارلايدى Egemen.kz.
اتالعان تابيعي پاركتىڭ ءباسپاسوز قىزمەتى حابارلاعانداي, تۇركىستان وبلىسىنا قاراستى بايدىبەك اۋدانىنا كەلۋشى تۋريستەر مەن مەكتەپ وقۋشىلارىنا تابيعاتتى قورعاۋ تۋرالى ءۇن-پاراقتار تاراتىلعان.
ەكولوگيالىق مادەنيەتتى دامىتۋ جانە قۇقىق بۇزۋشىلىقتىڭ الدىن-الۋ ماقساتىندا وتكىزىلگەن ءىس-شاراعا 150 ادام قاتىسىپ, 250 ءۇن پاراق تاراتىلعان.
قر قىلمىستىق كودەكسىنىڭ 339 بابىندا قىزعالداقتاردى زاڭسىز جۇلعانى ءۇشىن, ايىپپۇل نەمەسە قوعامدىق تۇزەتۋ جۇمىستارىنا تارتۋ قاراستىرىلعانىن ايتا كەتۋ كەرەك.