قىرعىزستاننىڭ قاۋىپسىزدىك كۇشتەرى مەملەكەتتىك توڭكەرىس جاساماق بولدى دەگەن كۇدىكپەن كاسىپكەر يماميدين تاشوۆتى ۇستادى. ول قازاق-قىرعىز شەكاراسىنان زاڭسىز ءوتىپ كەتكەننەن كەيىن ۇستالدى, دەپ حابارلايدى Egemen.kz.
تاشوۆ 22 ءساۋىر كۇنى تاڭەرتەڭ شۋ وبلىسى پانفيلوۆ اۋدانى قايىڭدى اۋىلىندا ۇستالدى.
قىرعىزستان ۇلتتىق قاۋىپسىزدىك كوميتەتى ونىڭ قازاقستان شەكاراسىنان زاڭسىز ءوتىپ, الماتىدان قارا-بالتاعا بەت العانىن حابارلادى. تەرگەۋ مالىمەتتەرى بويىنشا, ول بيلىكتى باسىپ الۋمەن بىرگە حالىقتى نارازىلىق اكتسياسىنا جيناۋ ءۇشىن سول جەردە ۋاقىتشا شتاب ۇيىمداستىرۋدى جوسپارلاعان.
«بۇعان دەيىن قىرعىز رەسپۋبليكاسىنىڭ ازاماتى, 1983 جىلى 2 تامىزدا تۋعان تاشوۆ يماميدين اساميدينوۆيچ بيلىكتى كۇشتەپ باسىپ الۋعا جانە بيلىكتى اسىرا پايدالانۋعا شاقىرعانى ءۇشىن مەملەكەتارالىق ىزدەۋگە جاريالانعان ەدى», دەپ حابارلادى قىرعىز رەسپۋبليكاسىنىڭ مەملكەتتىك ۇلتتىق قاۋىپسىزدىك كوميتەتى.
تەرگەۋ امالدارى جالعاسىپ جاتىر.