قايعىلى وقيعا جاڭاوزەن قالاسىنداعى تاس جولدا بولدى. الدىن الا بولجام بويىنشا, كولىك جولدان شىعىپ, اۋدارىلىپ كەتكەن. اپات سالدارىنان ەكى ادام العان جاراقاتتارىنان كوز جۇمدى, تاعى ءبىر ادام جاڭاوزەن اۋرۋحاناسىنا جەتكىزىلدى, دەپ حابارلايدى Egemen.kz وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەمە جاساپ.
وبلىستىق دەنساۋلىق ساقتاۋ باسقارماسىنىڭ مالىمەتىنە سايكەس, جەدەل جاردەمگە قوڭىراۋ كەشە, 21 ءساۋىر كۇنى ساعات 17:43-تە تۇسكەن.
«وقيعا ورنىنا ەكى جەدەل جاردەم بريگاداسى شاقىرىلدى. زارداپ شەككەن ءبىر ادام جاڭاوزەن اۋرۋحاناسىنا جاتقىزىلدى. وكىنىشكە قاراي, اپات سالدارىنان ەكى ادام كوز جۇمدى. ولاردىڭ ءبىرى وقيعا ورنىندا, ەكىنشىسى جەدەل جاردەم كولىگىندە جان تاپسىردى», دەپ حابارلادى ۆەدومستۆونىڭ ءباسپاسوز قىزمەتى.