اتىراۋدا تەراكت جاساعالى جاتقانىن ايتىپ ەلدى دۇرلىكتىرگەن مەكتەپ وقۋشىسى بولىپ شىقتى دەپ حابارلايدى, Egemen.kz.
اتىراۋ وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ۇقكد اتو بولىمىمەن بىرلەسىپ, وبلىس مەكتەپتەرىنىڭ ءبىرىنىڭ توعىزىنشى سىنىپ وقۋشىسىن انىقتاعان. بۇل تۋرالى Polisia.kz مالىمدەدى. ءجاسوسپىرىم ءانونيمدى Telegram-ارنا قۇرىپ, وندا 21 ءساۋىر كۇنى يندەر اۋدانىنداعى مەكتەپتەردە تەرروريستىك اكتى جاسالاتىنى تۋرالى حابارلاما جاريالاعان.
«جازبامەن بىرگە ينتەرنەتتەن جۇكتەپ العان قارۋدىڭ سۋرەتىن سالعان. قازىرگى ۋاقىتتا ونىڭ وسىنداي باسقا دا Telegram-ارنالار قۇرۋعا قاتىسى بار-جوعى تەكسەرىلىپ جاتىر. تەرروريزم اكتىسى تۋرالى كورىنەۋ جالعان حابارلاۋ فاكتىسى بويىنشا قىلمىستىق ءىس قوزعالدى.» - دەدى Polisia.kz.