قىزىلوردا وبلىستىق قازاقستان حالقى اسسامبلەياسى جانىنداعى مەدياتورلار كەڭەسىنىڭ ۇيىمداستىرۋىمەن م.مامەتوۆا اتىنداعى قىزىلوردا پەداگوگيكالىق كوللەدجىندە ستۋدەنتتەرمەن كەزدەسۋ ءوتتى.
كەزدەسۋدىڭ ماقساتى – ايماعىمىزداعى مەدياتسيا ينستيتۋتتارىنىڭ قىزمەتىن جەتىلدىرۋ, ونىڭ تيىمدىلىگى, كۇش پەن ۋاقىتتى ۇنەمدەۋ, شيەلەنىستەردى شەشۋدىڭ تيىمدىلىگىن ءتۇسىندىرۋ, وتباسى, ەڭبەك قاتىناستارى جانە داۋلى ماسەلەلەردىڭ الدىن الۋ, سونىمەن قاتار ستۋدەنتتەرگە قۇقىقتىق, الەۋمەتتىك ماسەلەلەر بويىنشا كەڭەس بەرۋ.
ءىس-شاراعا «ادىلدىك جولى» رقب-ءنىڭ قىزىلوردا وبلىستىق فيليالىنىڭ توراعاسى, وبلىستىق قحا جانىنداعى مەدياتورلار كەڭەسىنىڭ توراعاسى, حالىقارالىق دارەجەدەگى ترەنەر-مەدياتور ءلاززات باقتىباەۆا, وبلىستىق قوعامدىق دامۋ باسقارماسىنىڭ «قوعامدىق كەلىسىم» كمم ءبولىم باسشىسى, مەدياتسيا كابينەتىنىڭ ۇيلەستىرۋشىسى شاحيزات ابدرامانوۆا قاتىسىپ, وڭىردەگى مەدياتسيا سالاسى مەن قوعامدىق كەلىسىمدى ساقتاۋ, ۇلتتىق قۇرىلتايدىڭ ءۇشىنشى وتىرىسىندا كوتەرىلگەن جاس ۇرپاقتىڭ قاۋىپسىز ورتادا ءومىر ءسۇرۋى, ادال ەڭبەك, ادال تابىس جايىندا ءسوز سويلەدى. ءوز كەزەگىندە ءلاززات شايزاداقىزى مەدياتسيا سالاسىنداعى جاڭاشىلدىقتارعا توقتالىپ ءوتتى.
«مەدياتسيانىڭ نەگىزگى ماقساتى – ءبىر رەت شالىس باسقان, حالىقتىق قوعامدا ءومىر ءسۇرىپ جاتقان ازاماتتاردى تۋرا جولعا باعىتتاۋ. ومىرىندە ءبىر رەت قاتەلىك جاساعان جاندارعا مۇمكىندىك بەرە وتىرىپ, ولاردى قالىپتى جاعدايعا ءتۇسىرۋ. ياعني مەدياتسيانىڭ تەتىكتەرىن ۇتىمدى پايدالانا بىلسەك, قىزمەتتە, قوعامدا ورىن الاتىن داۋلاردى ەكى تاراپقا دا وڭتايلى رەتتەسەك, ىشكى بىرلىكتى بەكەمدەي الامىز. قازىرگى كۇنى وتباسىلاردىڭ باسىم بولىگىندە قارجىلىق قيىنشىلىقتار بار. ماسەلەن, نەسيە, كوممۋنالدىق تولەمدەر تولەي الماي, قايتارا الماي قينالىپ جۇرگەن وتباسىلار كوپ. وسى ماسەلەلەردىڭ بارلىعىن مەدياتسيا تارتىبىمەن شەشە الامىز. نەسيەنى ۋاقتىلى قايتارا الماعان جاعدايدا, مەدياتسيا تارتىبىمەن پايىزسىز قايتارۋعا مۇمكىندىكتەر دە قاراستىرىلىپ وتىر. وزدەرىڭىزگە ءمالىم, شەت مەمكەلەتتەردە ەرلى-زايىپتىلار نەكە شارتتارىنا وتىرادى. ەلىمىز زاڭناماسىندا بۇل كوزدەلگەنىمەن, تاجىريبە جۇزىندە قولدانىلمايدى. دەسە دە ازاماتتاردىڭ اراسىندا نەكەگە تۇرعان ۋاقىتتا ارنايى كەلىسىمشارتتار بولعان جاعدايدا, مەدياتسيا تارتىبىمەن راستاۋعا مۇمكىندىكتەر بار. مەدياتسيامەن كەلىسىمگە كەلگەن سوڭ, ەكى تاراپ وزدەرىنە مىندەتتەمە الادى. ال مىندەتتەمەنى ورىنداماعان جاعدايدا سوتقا جۇگىنۋگە تولىق نەگىز بار», دەدى.
سونداي-اق قازىرگى تاڭداعى مەدياتسيا جۇمىسىمەن تانىستىرىپ, جاستارعا مەدياتسيانىڭ مۇمكىندىگىن ءتۇسىندىرىپ, قانداي دا ءبىر داۋلى ماسەلەلەر تۋىنداسا قۇقىقتىق كەڭەس بەرىلەتىندىگىن, قوعامدىق كەزدەسۋلەر وتكىزىپ, الەۋمەتتىك ماسەلەلەرىن شەشۋگە, مەدياتسيا كەزىندە تاراپتار وكىلدەرىنىڭ اراسىندا قالىپتى قارىم-قاتىناستاردى ساقتاپ, كۇش پەن ۋاقىتتى ۇنەمدەۋ مۇمكىندىگى الدەقايدا جوعارى ەكەنىن, وتباسىلىق سوتتاعى وزگەرىستەر مەن مەدياتسيا سالاسىنداعى جاڭاشىلدىقتاردى اتاپ ءوتتى.
سونىمەن بىرگە ستۋدەنتتەر قويعان ساۋالدارعا جاۋاپ بەرە وتىرىپ, بۇگىنگى كۇنى مەدياتسياعا جۇگىنۋشىلەر سانى بىرنەشە ەسەگە وسكەندىگىن العا تارتتى.