الەۋمەتتىك جەلىدە جانتۇرشىگەرلىك اپات بەينەلەنگەن ۆيدەو جاريالاندى. الماتى وبلىستىق پوليتسيا دەپارتامەنتى جول-كولىك وقيعاسىنا قاتىستى تۇسىنىكتەمە بەردى, دەپ جازادى Egemen.kz.
قايعىلى وقيعا 16 ءساۋىر كۇنى الماتى وبلىسى بايسەركە اۋىلىندا بولعان.
جول اپاتى كەزىندە Daewoo Nexia كولىگى ەكىگە ءبولىنىپ كەتىپ, 24 جاسار جولاۋشى وقيعا ورنىندا كوز جۇمدى. ال تىزگىندە بولعان جۇرگىزۋشى ءتۇرلى دەنە جاراقاتتارىمەن وتەگەن باتىر اۋىلىنداعى اۋرۋحاناعا جەتكىزىلدى. كەيىن ول دا ەسىن جيماي, جانساقتاۋ بولىمىندە جان تاپسىردى.
«دەرەك ابايسىزدا ەكى جانە ودان دا كوپ ادامنىڭ ولىمىنە اكەپ سوقتىرعان جول قوزعالىسى ەرەجەسىن بۇزۋ بويىنشا ىلە اۋداندىق پوليتسيا بولىمىندە تىركەلدى. قازىرگى ۋاقىتتا بارلىق قاجەتتى ساراپتامالار تاعايىندالىپ, تەرگەۋ شارالارى جۇرگىزىلىپ جاتىر», دەلىنگەن وبلىستىق پوليتسيا دەپارتامەنتى تاراتقان تۇسىنىكتەمەدە.