مەملەكەت باسشىسىنا ازاماتتاردىڭ قۇقىقتارىن قايتا قالپىنا كەلتىرۋ جانە قورعاۋ جونىندەگى جىلدىق ەسەپ بەرىلدى. ارتۋر لاستاەۆ قاسىم-جومارت توقاەۆقا اۋماقتىق وكىلدەردىڭ تولىقتاي ىسكە كىرىسكەنى تۋرالى مالىمەت بەردى. ونىڭ ايتۋىنشا, بىلتىر ومبۋدسمەننىڭ اتىنا 5 مىڭنان استام ءوتىنىش تۇسكەن. بۇل 2022 جىلعى كورسەتكىشپەن سالىستىرعاندا 1,5 ەسە كوپ, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سونىمەن قاتار مەملەكەت باسشىسىنا ۇلتتىق پرەۆەنتيۆتى مەحانيزمنىڭ جۇمىسى, زاڭنامانى جەتىلدىرۋ, حالىقارالىق ىنتىماقتاستىقتى, قۇقىق قورعاۋ ۇيىمدارىمەن جانە ازاماتتىق قوعاممەن ءوزارا ىقپالداستىقتى جانداندىرۋ ماسەلەلەرى تۋرالى باياندالدى. اتاپ ايتقاندا, ازاپتاۋلاردىڭ الدىن الۋ ءۇشىن وقشاۋلاۋ مەكەمەلەرىندە مىڭنان استام كەزدەسۋ وتكىزىلگەن, ازاماتتاردىڭ قۇقىقتارىن قالپىنا كەلتىرۋ بويىنشا 3,5 مىڭنان ۇسىنىم بەرىلگەن, 275 لاۋازىمدى تۇلعا جاۋاپكەرشىلىككە تارتىلعان. ناتيجەسىندە 900-دەن استام ادامنىڭ قۇقىعى قورعالدى.
بۇدان بولەك, ادام قۇقىقتارى جونىندەگى ۋاكىل پرەزيدەنتتىڭ تۇرمىستىق زورلىق-زومبىلىقتىڭ الدىن الۋ جونىندەگى تاپسىرماسىن ورىنداۋ ماقساتىندا قابىلدانعان شارالار تۋرالى ايتتى. قۇقىق قورعاۋ ينستيتۋتى تۇرمىستىق زورلىق-زومبىلىققا قارسى ءىس-قيمىل تۋرالى ارنايى بايانداما ازىرلەپ جاتىر.
قاسىم-جومارت توقاەۆ ادام قۇقىعىن قورعاۋعا كەپىلدىك بەرۋ ءىسىن ودان ءارى كۇشەيتۋ قاجەت ەكەنىنە نازار اۋداردى.