قارا بەتپەردە كيگەن جۇمباق جىگىت سۋ تاسقىنىنان زارداپ شەككەن وتباسىلارعا 1 ميلليون دوللار (450 000 000 تەڭگە) بولەتىنىن ايتتى, دەپ حابارلايدى Egemen.kz.
- ءبىز قالىڭ قار ەرىگەننەن كەيىن ەڭ ۇلكەن كوكتەمگى سۋ تاسقىنىنا تاپ بولدىق. قازاقستاننىڭ 10 وڭىرىندە توتەنشە جاعداي جاريالاندى. قازىرگى ساتتە 108 000 ادام ەۆاكۋاتسيالاندى. 5 000-نان اسا تۇرعىن ءۇي سۋ استىندا قالدى, 8 000-نان اسا جانۋار ءولدى. تابيعي اپات قازاقستانمەن كورشىلەس رەسەيدىڭ ورىنبور وبلىسىن دا زاقىمدادى. قازىر ءبىز سۋ تاسقىنىنىڭ ەكىنشى تولقىنىنا دايىندالىپ جاتىرمىز. ءبىز سىزدەرمەن بىرگە ورتاق كۇشپەن زارداپ شەككەن وتباسىلارعا 1 ميلليون دوللار (450 000 000 تەڭگە) بولەمىز. ەرىكتىلەرگە, قۇتقارۋشىلارعا, بەي-جاي قارامايتىن ازاماتتارعا جانە باسقا ەلدەردەن كومەككە كەلگەن ازاماتتارعا ۇلكەن العىس بىلدىرەمىز. ءبىز بىرگە بۇل ستيحيانى جەڭەمىز جانە ودان دا مىقتى بولا تۇسەمىز, - دەدى قارا بەتپەردە كيگەن جۇمباق جىگىت.