قارىزعا بەلشەسىنەن باسقان ازاماتتىڭ كولىگى ايىپتۇراققا قويىلدى, دەپ حابارلايدى Egemen.kz.
قالا كوشەلەرىن پاترۋلدەۋ كەزىندە پولك ينسپەكتورلارى «Hyundai Tucson» كولىگىن توقتاتقان. اۆتوكولىك يەسىنىڭ اتقارۋشىلىق ءىس جۇرگىزۋ بويىنشا 20 ميلليون 345 مىڭ تەڭگە قارىزى بار ەكەندىگىن «قورعاۋ» قوسىمشاسى انىقتاعان.
ءتارتىپ ساقشىلارى جۇرگىزۋشىگە تولەمدەر تۋرالى ەسكەرتىپ, كولىكتى ايىپتۇراققا قويدى.
پوليتسيا دەپارتامەنتىنىڭ ءباسپاسوز قىزمەتى ۇسىنعان اقپاراتقا سۇيەنسەك, قالا تۇرعىنى قارىزىن وتەگەننەن كەيىن عانا اۆتوكولىگىن قايتا الا الادى.