تورعاي وزەنىندەگى سۋ دەڭگەيىنىڭ كوتەرىلۋىنە بايلانىستى ىرعىز اۋدانى مامىر اۋىلدىق وكرۋگىنىڭ تۇرعىندارىن قورعانىس مينيسترلىگىنە قاراستى ت. بيگەلدينوۆ اتىنداعى اۋە كۇشتەرى ينستيتۋتىنىڭ ۇشقىشتارى ەۆاكۋاتسيالادى. قازىر ىرعىز اۋدانى ورتالىعىنا مامىر اۋىلىنان 33 ادام جەتكىزىلدى, ونڭ 24-ءى بالا, دەپ حابارلايدى Egemen.kz اقتوبە وبلىستىق تجد ءباسپاسوز قىزمەتىنە سىلتەمە جاساي وتىرىپ.
سۋ تاسقىنىنا بايلانىستى ەۆاكۋاتسيالانعان تۇرعىندار ءۇشىن ىرعىز ەلدى مەكەنىندەگى ى.التىنسارين اتىنداعى ورتا مەكتەپ, №1 جانە №2 مەكتەپ عيماراتتارى جانە اۋدانداعى سپورت كەشەنىندە ورىندار دايىندالدى.
مامىر – ىرعىز اۋدانىنىڭ ەڭ شەتكى اۋىلدارىنىڭ ءبىرى, مۇندا 200-گە جۋىق ادام تۇرادى. تورعاي وزەنى بۇگىن تۇستەن كەيىن ارناسىنان اسىپ, اۋىلعا كىرە باستاعان.
اقتوبە وبلىسى