الماتىدا كوكتەمگى اعاش ەگۋ ناۋقانى قىزا ءتۇستى. جاسىل جەلەككە ورانعان جازيرا قالانى گۇلدەندىرۋگە تۇرعىندار ءوز ەركىمەن ۇلەس قوسىپ جاتىر. المالى اۋدانىنىڭ ورتالىعىنداعى پانفيلوۆ كوشەسىنە 50 الما اعاشى وتىرعىزىلدى.
اعاش وتىرعىزۋ «Alma Qala» ەكولوگيالىق باستاماسىنىڭ 10 جىلدىعىنا ورايلاستىرىلعان. جاسىل-جەلەك ءىس-شاراسىنا اتالعان جوبا باستاماشىلارىنىڭ ءبىرى, دەپۋتات ەرلان ستامبەكوۆ, ەكوبەلسەندىلەر مەن قالا تۇرعىندارى قاتىستى.
اۋدان اكىمى ايدار جاقىباەۆتىڭ ايتۋىنشا, بىلتىر باستاماشى توپ پانفيلوۆ كوشەسىنە 15 سيۆەرس الما اعاشىن وتىرعىزعان ەدى. ءبىر جىلدا بۇل اعاشتار كوكتەپ, قالاعا كورىك بەرىپ تۇر. سوندىقتان جىلدان-جىلعا اۋدانداعى جاسىل-جەلەكتەر كوبەيە بەرەدى. جاياۋ جۇرگىنشىلەر الما كوشەتتەرى ەگىلگەن كوشەمەن ەرتەلى-كەش ەمىن-ەركىن تىنىستاپ, سەرۋەندەي الادى. وسى باستاماعا مۇرىندىق بولعان ەكوبەلسەندىلەرگە اۋدان تۇرعىندارىنىڭ العىسى شەكسىز.
قازىر الماتى قالاسىندا «جاسىل اۋلا» اكتسياسى ىسكە اسىپ جاتىر. وسى باستاما اياسىندا ەكولوگيا جانە قورشاعان ورتا باسقارماسى كوپ قاباتتى ۇيلەردىڭ اۋلاسى مەن قوعامدىق ورىنداردى كوگالداندىرۋعا نيەتتى الماتىلىقتارعا شەگىرشىن, ساناعاش, شاعان مەن قايىڭ كوشەتتەرىن تەگىن ۇلەستىردى.
الماتى