ەرىكتىلەر جۇدىرىقتاي جۇمىلدى

بۇگىندە توتەنشە جاعداي ۋاقىتىندا جاستار قاناتىنىڭ 2 مىڭنان اسا ۆولونتەرى بيلىكپەن بىرلەسە, حالىققا جاردەم بەرىپ جاتىر. «كۇشىمىز – بىرلىكتە!» دەپ ۇرانداتقان ولار اباي, اقمولا, اقتوبە, اتىراۋ, باتىس قازاقستان, قاراعاندى, قوستاناي, پاۆلودار, سولتۇستىك قازاقستان جانە ۇلىتاۋ وبلى­سىن­دا ءجۇر. ءبىرى تاسقىننان توسىرقاپ قالعانداردىڭ اس-اۋقاتىن ۇيلەستىرسە, ەندى ءبىرى قارعىن سۋعا قارسى بوگەت جاساقتاپ جاتىر.

– اتىراۋ وبلىسىن سۋ باسۋ قاۋپى بار دەگەندى ەستىپ, بىردەن استانا قالاسىنان جولعا شىقتىق. اقتاۋلىق ەرىك­تىلەر دە قول قۋسىرىپ قالمادى. قازىرگى تاڭدا قۇم تول­­تى­رىل­عان قاپشىقتاردان بوگەتتەردى ورنالاستىرۋ, تۇر­عىن­­دار­دى قاۋىپسىز جەرلەرگە ەۆاكۋاتسيالاۋ بويىنشا جۇمىس­تارعا بەلسەنە ارالاسىپ جاتىر. سونداي-اق «Biz Birgemiz» قوعامدىق قورىنىڭ قولداۋىمەن بەينەۋ اۋدانى مەن اتىراۋ وبلىسىنداعى ەۆاكۋاتسيالانعان تۇرعىندارعا گۋ­ما­نيتارلىق كومەك جەتكىزىلدى. ءتۇنى بويى ءبىزدىڭ ۆولونتەرلەر ولاردى سۇرىپتاپ, تاڭدا حالىققا تابىستادى. قىزىل سۋ جايلاعان ايماقتاردا كۇندىز-ءتۇنى جۇمىس ىستەپ, حالىقتىڭ قاۋىپسىزدىگىن قامتاماسىز ەتىپ جۇرگەن قۇتقارۋشىلارعا اۋىزاشار ۋاقىتىن­دا ىستىق تاماق پەن شاي ۇلەستىرىپ جاتىرمىز. جالپى, ەلىمىز بويىنشا ەرىكتىلەردىڭ كومەگىمەن 20 مىڭ ينەرتتىك ماتە­ريال تولتىرىلعان قاپشىقتاردان بوگەتتەر ورنالاستىرىپ, ايماقتار بارلىعى 250 توننا گۋمانيتارلىق كومەكپەن قامتاماسىز ەتتى. سۋ تاسقىنى سەيىلىپ, جاعداي ورنىققانعا دەيىن ەرىكتىلەر كۇشى حالىققا كومەك كورسەتۋگە جۇمىلدىرىلادى. جىل بويى قاۋىپسىزدىك ءىس-شارالارى قامتىلعان ارنايى كۋرس­تاردان وتكىزدىك. حالىقارالىق لاگەرگە دە ارنايى مامانداردى شاقىرىپ, دارىستەرىن تىڭداعان ەدىك. وسى ساتتە بارشا ەرىكتىلەرگە شەكسىز العىسىمدى بىلدىرگىم كەلەدى, – دەدى «جاستار رۋحى» جاستار قاناتىنىڭ توراعاسى اقەركە ەسكەندىروۆا.

ەرىكتىلەردىڭ باسىن بىرىكتىرىپ, تاۋلىك بويىنا كومەك كورسەتىپ جۇرگەن «جاستار رۋحى» جق اتىراۋ وبلىستىق فيليالىنىڭ توراعاسى ابىلاي قۇرمەت ۇلى قولۇشىن سوزعىسى كەلەتىن ازاماتتار كوبەيىپ جاتقانىن ايتتى.

وسىلايشا, اتىراۋ وبلىسىندا تىنباي ەڭبەك ەتىپ جۇرگەن ۆولونتەرلەردىڭ قاتارىنان تابىلعانداردىڭ ءبىرى – اقتاۋلىق امانبەك سايلاۋوۆ.

– ەلىمىزدە ورىن العان جاعدايعا بەيجاي قاراي المادىق. ءبىر توپ ماڭعىستاۋلىق رۋحتاستار بولىپ اتىراۋ وبلىسىنا كەلىپ جەتتىك. «ساۋساق بىرىكپەي, ينە ىلىكپەيدى» دەگەندەي, بارشامىز بىرىگىپ قولدان كەلگەن كومەكتى كورسەتەمىز, – دەدى امانبەك.

سونداي-اق وڭتۇستىك ايماقتارداعى ەرىكتىلەر دە شەت قالمادى. شىمكەنت قالاسى مەن قىزىلوردا, تۇركىستان وبلىستارىنىڭ رۋحتاستارى باتىس وڭىرلەرگە گۋمانيتارلىق كومەك جيناپ, ونى ايماقتارعا جەتكىزىپ, ۇلەستىرۋ جۇمىستارىنا اتسالىستى. اتاپ ايتساق, تۇركىستان وبلىسى – 30 توننا, شىمكەنت قالاسى – 20 توننا, قىزىلوردا وبلىسى 45 توننا كومەك جونەلتتى. ال استانالىق ۆولونتەرلەر قوستاناي, اقتوبە, باتىس قازاقستان وبلىستارىنا گۋمانيتارلىق كومەك دايىندادى. 20-عا جۋىق ۆولونتەر قاراعاندى وبلىسىنىڭ شەت اۋدانىنىڭ شالعاي اۋىلدارىنا بارىپ, تىكۇشاق ارقىلى جەدەل جاردەم جۇمىستارىنا قاتىستى.

ايتا كەتەيىك, «جاستار رۋحى» جق فيليالدارى جانىنان جەدەل ارەكەت ەتۋشى رەسپۋبليكالىق ۆولونتەرلەر شتابى قۇرىلدى. مۇندا اپاتتان زارداپ شەككەن ازاماتتار مەن جاستار قاناتى ۆولونتەرلەرىنىڭ قاتارىنا قوسىلامىن دەيتىن جاستار جۇگىنە الادى. شتابتاردىڭ بايلانىس نومىرلەرى جاستار قاناتىنىڭ Instagram الەۋمەتتىك جەلىسىندەگى @jastar_ruhy پاراقشاسىندا كورسەتىلگەن.