كوكشەتاۋ قالاسىن قاق جارىپ وتەتىن قىلشاقتى وزەنى قار كۇرت ەرىگەندىكتەن ارناسىنان اسىپ كەتىپ, جاعالاۋعا جاقىن ورنالاسقان بىرنەشە جەر ءۇي مەن عيماراتتاردى, كوپ قاباتتى ۇيلەردى سۋ باسىپ قالدى.
قالادا جەرگىلىكتى ماڭىزداعى توتەنشە جاعداي جاريالاندى. جەدەل شتاب قۇرىلىپ, قىرۋار تەحنيكا مەن ادام جۇمىلدىرىلدى.
قالا اكىمى باۋىرجان عايسانىڭ ايتۋىنشا, جۇزدەن استام ادام كۇنى بۇرىن دايىندالعان ورىندارعا ورنالاستىرىلىپ, اس-سۋمەن قامتاماسىز ەتىلگەن.
زارداپ شەككەندەردىڭ ب ۇلىنگەن دۇنيە-مۇلكى اكتىلەنىپ, شىعىننىڭ ورنى تولتىرىلادى. اپاتتىڭ سالدارىن جويۋعا ەرىكتىلەر دە ات سالىسىپ جاتىر.
كوكشەتاۋ قالاسى