الماتى قالاسى كوممۋنالدىق ينفراقۇرىلىمدى دامىتۋ باسقارماسى ناۋرىزدىڭ 14-15 كۇندەرىنىڭ جاۋىن-شاشىنى كەزدەگى كوممۋنالدىق قىزمەت جۇمىسى تۋرالى دەرەكتەردى جاريالادى, دەپ حابارلايدى Egemen.kz.
الماتىدا ناۋرىزدىڭ 14-ءى كۇنگى ساعات 15:30-دان 15 ناۋرىز ساعات 5:00-گە دەيىن قالىڭدىعى 15 سم قار جاۋعان. تۇنگى ۋاقىتتا 367 بىرلىك تەحنيكا جانە 171 جۇمىسشى قار كۇرەۋگە شىعىپ, 148 قۇم تاراتقىش ارقىلى كوكتايعاققا قارسى ماتەريالدار سەبىلدى. ساعات 20:30-دان 06:00-گە دەيىن جول پاترۋلدىك پوليتسيا كولىگىنىڭ ەرىپ جۇرۋىمەن 16 باعان قار كۇرەلدى. ساعات 07:00-دەگى جاعداي بويىنشا 520 م3, ال قىس بويى 367,8 مىڭ م3 قار شىعارىلدى. قار شىعارۋ جۇمىستارى جالعاسادى. شاعىن كولەمدى 160 تروتۋار تەحنيكاسىمەن تروتۋارلار مەن جالپى ايماقتار تازارتىلىپ, الەۋمەتتىك ماڭىزدى نىساندارعا كىرەبەرىستەر, قوعامدىق كولىك ايالدامالارى جانە جەر ءۇستى جاياۋ جۇرگىنشىلەر وتكەلدەرى كۇرەلىپ جاتىر. ساعات 08.00-دەن باستاپ 394 ارنايى تەحنيكا, ونىڭ ىشىندە 145 قۇم تاراتقىش, 169 تروتۋارداعى قاردى كۇرەيتىن تەحنيكا, 602 جۇمىسشى جۇمىلدىرۋ جوسپارلانعان.
«قازگيدرومەت» رمك بولجاۋىنشا, كۇندىز اۋا تەمپەراتۋراسى 0-… +2 گرادۋس ارالىعىندا, جاۋىن-شاشىن تۇسپەيدى.