2023 جىلى بولىنگەن قاراجات ەسەبىنەن جاستارعا كاسىپكەرلىك باستامالاردى ىسكە اسىرۋ ءۇشىن جىلدىق مولشەرلەمەسى 2,5%-دىق 5 658 ميكروكرەديت بەرىلدى. «اگرارلىق نەسيە كورپوراتسيا» اق-عا قازاقستاندىقتاردان جەڭىلدەتىلگەن ميكروكرەديتتەر الۋعا بارلىعى 7,7 مىڭ ءوتىنىم ءتۇستى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«جەرگىلىكتى اتقارۋشى ورگاندارعا ميكروكرەديتتەردى بەرۋگە قاراجات 2023 جىلعى اقپان-ناۋرىز ايلارىندا بولىنگەنىن اتاپ وتەمىز, وسىعان وراي بيۋدجەت قاراجاتتارىن يگەرۋ 2024 جىلعى اقپان-ناۋرىزعا دەيىن جۇزەگە اسىرىلدى», دەلىنگەن حابارلامادا.
ستاتيستيكاعا سايكەس, تۇركىستان (625), قىزىلوردا (492), جامبىل (483) وبلىستارىندا, استانا (451) قالاسىندا ميكروكرەديتتەردىڭ ەڭ كوپ سانى بەرىلگەن.
26,4 ملرد تەڭگە سوماسىنا 5 658 ميكروكرەديت بيزنەس جوبالاردى ىسكە اسىرۋعا بەرىلدى, ونىڭ ىشىندە ميكروكرەديتتەردىڭ 35,4% اۋىل تۇرعىندارىنا بەرىلگەن.
كرەديت الۋشىلاردىڭ باسىم كوپشىلىگى مال شارۋاشىلىعى, قىزمەت كورسەتۋ, ساۋدا, جەڭىل ونەركاسىپ سالالارىن قامتىدى.
«ميكروكرەديت 21 جاستان 35 جاسقا دەيىنگى جاستارعا ءوز كاسىبىن اشۋعا نەمەسە ونى كەڭەيتۋگە, 5 جىلدان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى. بۇل رەتتە قاتىسۋشىلاردىڭ «اگرارلىق نەسيە كورپوراتسياسى» اق-عا وتىنىممەن جۇگىنگەن ۋاقىتتاعى جاسى ەسكەرىلەدى», دەپ ءتۇسىندىردى مينيسترلىكتەن.
ميكروكرەديتتىڭ مولشەرى 5 ملن تەڭگەگە دەيىن, ال قاتىسۋدىڭ ەڭ ۇزاق مەرزىمى – 5 جىلعا (كەز كەلگەن ماقساتقا) نەمەسە 7 جىلعا دەيىن (مال شارۋاشىلىعى سالاسىنداعى جوبالار ءۇشىن). نومينالدى سىياقى مولشەرلەمەسى – جىلدىق 2,5%-دان اسپايدى.
ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ بەرىلەدى, ول ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى.
كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. كەپىلمەن قامتاماسىز ەتۋ رەتىندە كەلەسىلەر قابىلدانادى:
- ەكىنشى دەڭگەيدەگى بانكتەردەگى شوتتاردا ورنالاستىرىلعان اقشا قاراجاتى;
- رەسپۋبليكالىق ماڭىزى بار قالالاردا, وبلىستىق ماڭىزى بار قالالاردا, اۋدان ورتالىقتارىندا, وبلىستىق جانە اۋداندىق باعىنىستاعى قالالاردا, سونداي-اق اۋىلداردا جانە اۋىلدىق ەلدى مەكەندەردە جىلجىمايتىن م ۇلىك;
- جەكە مەنشىك قۇقىعىنداعى/باستاپقى ۇزاق مەرزىمدى وتەۋلى جەر پايدالانۋ (جالعا الۋ) (ەگىستىك) قۇقىعىنداعى اۋىل شارۋاشىلىعى ماقساتىنداعى جەر ۋچاسكەلەرى;
- جايىلىمداردى سۋلاندىرۋ جانە قورشاۋ ينفراقۇرىلىمى بار جەر ۋچاسكەلەرى;
- باۋ-باقشا وسىرۋگە ارنالعان جەر ۋچاسكەلەرى;
- مامانداندىرىلعان تەحنيكا.
كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن, تۋىستارىن جانە ت.ب.) تارتۋعا بولادى.
ءوتىنىم بەرۋ ءۇشىن قۇجاتتار پاكەتىن «اگرارلىق نەسيە كورپوراتسياسى» اق فيليالىنا تاپسىرۋ قاجەت.
ميكروكرەديتتەر ارنايى كوميسسيانىڭ شەشىمى نەگىزىندە بەرىلەدى, ونىڭ وتىرىستارىندا ۇمىتكەرلەر وزدەرىنىڭ بيزنەس-جوبالارىن تانىستىرادى.
وسىلايشا, ميكروكرەديت بەرۋ تۋرالى شەشىم كوميسسيالىق جانە ناقتى ءىس-قيمىل جوسپارىمەن وزەكتى, دالەلدى, ەكونوميكالىق نەگىزدەلگەن, قوعامدىق ماڭىزى بار, ومىرشەڭ بولۋى ءتيىس جوبانىڭ پىسىقتالۋىن باعالاۋدىڭ ناقتى كريتەريلەرى نەگىزىندە قابىلدانادى.
2024 جىلدىڭ ءساۋىر ايىنان باستاپ ميكروكرەديتتەر الۋعا وتىنىمدەر بارلىق وبلىستار مەن استانا, الماتى جانە شىمكەنت قالالارىندا قابىلدانادى.