كەيىپكەرىمىز شۇعىلا شايماناليەۆا ت ۇلىمشاعى جەلكىلدەگەن كىشكەنتاي كۇنىنەن مۇعالىم بولۋدى ارمانداپتى. كىم ءبىلسىن, مۇمكىن بۇعان اكەسى قانيبەك پەن اناسى جاڭىلدىڭ ء«بىزدىڭ شۇعىلا وسكەندە مۇعالىم بولادى» دەپ اينالا وبەكتەپ, پەرزەنتتەرىنىڭ سول بيىككە جەتۋىنە بارىنشا مۇمكىندىك جاساعانى دا اسەر ەتكەن شىعار. ايتەۋىر, بالا كوڭىلى سىنىپقا جارقىراي امانداسىپ كىرىپ كەلەتىن مۇعالىمدى ەرەكشە جاقىن تارتىپ تۇراتىن. سوندىقتان دا ءوزى تۋىپ-وسكەن قارماقشى اۋدانى الداشباي احۋن اۋىلىنداعى № 111 ورتا مەكتەپتى بىتىرگەن ول 1990 جىلى ەش ويلانباستان قورقىت اتا اتىنداعى قىزىلوردا گۋمانيتارلىق ۋنيۆەرسيتەتىن تاڭدادى.
بۇل قوعام الماسىپ, جىلداپ جالاقى الماعان جۇرتتىڭ كوبى كۇنكورىستىڭ قامىتىن مىقتاپ كيگەن الاساپىران ۋاقىت ەدى. جان-جاقتىڭ ءبارى قۋسىرىلىپ كەلە جاتقانداي سەزىلەتىن سونداي كەزەڭ قيىندىعىن ستۋدەنتتىك ءومىر بايقاتپادى. وقۋ ورنىن باستاۋىش سىنىپ مۇعالىمى ماماندىعى بويىنشا ءبىتىرىپ, ەڭبەك جولىن ءوزى وقىعان № 111 ورتا مەكتەپتەن باستادى. كوزدەرى جاۋدىرەپ وتىرعان توپ بالانىڭ الدىنا جۇرەكسىنە شىققانى كەشە عانا سياقتى ەدى. بۇگىن قاراپ وتىرسا, وعان دا 31 جىل بولىپتى.
قازىرگى ءبىلىم سالاسى وزگەرىسكە تولى. جاڭا قوعام مۇعالىمى وسى جاڭالىقتان قالماي, زاماناۋي ادىستەمەلەردى مەڭگەرۋى كەرەك. اسىرەسە مەكتەپ تابالدىرىعىن جاڭا اتتاپ, جان-جاعىنا ۇركەكتەي قاراپ وتىرعان شاكىرتتەر جۇرەگىنە كىلت تاۋىپ, ولاردىڭ تانىمىن كەڭەيتۋگە العاش قادام جاسايتىن باستاۋىش سىنىپ مۇعالىمدەرىنىڭ جۇگى ەكى ەسە اۋىر. وسى كۇنى پەداگوگ-زەرتتەۋشى ساناتىنداعى جوعارى ءبىلىمدى باستاۋىش سىنىپ مۇعالىمى شۇعىلا قانيبەكقىزى ءار سالادا ءبىر بيىكتى باعىندىرعان وقۋشىلارىن ماقتان ەتەدى.
ۇلت ۇستازى احمەت بايتۇرسىن ۇلىنىڭ ء«بىز ەلدى تۇزەۋدى بالا وقىتۋ ءىسىن تۇزەۋدەن باستاۋىمىز كەرەك» دەگەن ءتامسىلى ۇستازدىقتىڭ قاي ۋاقىتتا دا اۋىر جۇك ارقالاعانىن اڭعارتادى. مەملەكەت باسشىسىنىڭ باستاماسىمەن سالاعا قولداۋ ارتىپ, قالا مەن اۋىل مەكتەبى اراسىنداعى ايىرماشىلىقتى ازايتۋ باعىتىنداعى باستامالار قولعا الىندى. بۇعان, ارينە, ءبىز قۋانامىز. رەسپۋبليكالىق «اقبوتا», «باستاۋ» وليمپيادالارىندا, حالىقارالىق «كەنگۋرۋ», «پوني» بايقاۋلارىندا جەڭىمپاز اتانعان شاكىرتتەرىمنىڭ جەڭىسىنە مارقايامىن. اۋىل مەكتەبىنىڭ مارتەبەسىن كوتەرۋگە ءسال دە بولسا سەپتىگىمدى تيگىزگەنىمە قۋانامىن. وسىندايدا ەڭ اۋەلى مەنى ۇلى مۇرات جولىنداعى ۇستازدار قاتارىنان كورگىسى كەلگەن اكەم مەن انامنىڭ سەنىمىن اقتاعانىما شۇكىرشىلىك ەتەمىن», دەيدى ول.
ىزدەنىمپاز پەداگوگ 2021 جىلى اۋداندىق «ۇزدىك باستاۋىش سىنىپتاعى ماتەماتيكا ءپانىنىڭ مۇعالىمى 2021» بايقاۋىندا جۇلدەلى ورىننان كورىندى. كەلەر جىلى ء«بىلىم بەرۋ ۇيىمدارىنداعى ادىستەمەلىك جۇمىستاردى ۇيىمداستىرۋدىڭ ەرەكشەلىكتەرى مەن مۇمكىندىكتەرى» تاقىرىبىنداعى وبلىستىق سەميناردا ماراپات تورىنە كوتەرىلدى. سول جىلى «ماتەماتيكالىق ساۋاتتىلىق – وي دامىتۋ» تاقىرىبىنداعى اۆتورلىق باعدارلاماسى جارىق كورىپ, «تاۋەلسىزدىك تىرەگىم – ەلتاڭبام ەلدىگىم» اتتى رەسپۋبليكالىق بايقاۋلار جيناعىنا ماقالا جاريالادى. رەسپۋبليكالىق باسىلىمداردا باستاۋىش سىنىپتاردا ماقال-ماتەلدەر ارقىلى وقۋشىنىڭ ءتىل بايلىعىن دامىتۋ باعىتىنداعى ماقالالارى جارىق كورىپ ءجۇر. وسى جەتىستىكتەرى ءۇشىن ءار جىلدارى اۋداندىق, وبلىستىق كاسىپوداق كوميتەتتەرىنىڭ, اۋداندىق ءبىلىم ءبولىمىنىڭ ماراپاتىن الدى.
بىلتىر كۇزدە باستاۋىش سىنىپ مۇعالىمدەرىنە ارنالعان رەسپۋبليكالىق «التىن تۇعىر» وليمپياداسىنىڭ اۋداندىق كەزەڭىندە توپ جاردى. بيىل قاڭتاردا وبلىستان دا وزىق شىعىپ, رەسپۋبليكالىق كەزەڭگە دايىندالدى. اقپان ايىندا پەداگوگتەردىڭ كاسىبي قۇزىرەتتىلىگىن ارتتىرۋ, مۇعالىمنىڭ شىعارماشىلىق الەۋەتىن دامىتۋ ماقساتىندا استانا قالاسىندا «دارىن» رعپو مەن «زەردەلى» اقىل-وي دامىتۋ ورتالىعى ۇيىمداستىرعان رەسپۋبليكالىق سايىستا شۇعىلا قانيبەكقىزى ەلدىڭ ءار تۇكپىرىنەن جينالعان 160-تان استام ارىپتەسىنىڭ اراسىنان دارا شىعىپ, ءى ورىن يەلەندى. بايقاۋدا بيىكتەن كورىنگەن اۋىل مۇعالىمىنە دۋبايعا جولداما تابىستالدى.
«وليمپيادا تاپسىرمالارى باستاۋىش سىنىپ باعدارلامالارىن نەگىزگە الىپ قۇراستىرىلعان اۆتورلىق, لوگيكالىق ەسەپتەردەن تۇردى. ەلىمىزدىڭ ءار قيىرىنان جينالعان مۇعالىمدەرمەن باسەكەگە ءتۇسىپ, ەڭ جوعارى ۇپاي جينادىم. «التىن تۇعىر» – ماماندار تاجىريبەسىن ۇشتاپ, ىنتالاندىراتىن جوبا. كاسىبي داعدىمىزدى جەتىلدىرىپ, باسەكەگە قابىلەتتىلىگىن ارتتىرا تۇسەتىن سايىستان تۇيگەنىم كوپ. مەنىڭ جەڭىسىمە سەنىم ءبىلدىرىپ, قولداۋ تانىتقان ارىپتەستەرىمە, اۋداندىق ءبىلىم بولىمىنە, ءوزىم ەڭبەك ەتەتىن № 111 ورتا مەكتەپ ۇجىمىنا العىسىمدى بىلدىرەمىن», دەيدى شۇعىلا قانيبەكقىزى.
قىزىلوردا