كىسى ءولتىرۋ دەرەگى بويىنشا ۇستىنەن قىلمىستىق ءىس قوزعالعان ەكس-مينيستر قۋاندىق بيشىمباەۆتىڭ بۇرىنعى جۇبايى نازىم قاھارمان الەۋمەتتىك جەلىدە ۆيدەوۇندەۋ جاريالادى, دەپ جازادى Egemen.kz.
ول جەلىدە بەلگىلى ءبىر قولدانۋشىنىڭ وسىدان ءبىراز ۋاقىت بۇرىن پوليتسياعا جازىلعان ارىز نەگىزىندە قىزىنىڭ جانە ءوزىنىڭ ابىرويىنا نۇقسان كەلتىرمەك بولعان جازبانىڭ شىندىققا جاناسپايتىنىن مالىمدەپ, ارىز جازۋعا سەبەپ بولعان وقيعانى بايانداپ بەردى.
«فەيسبۋكتە 28 اقپان كۇنى ەلەنا سەمەنوۆا ەسىمدى قولدانۋشى مەنىڭ پوليتسياعا جازعان ارىزىمدى تولىق وقىپ, تۇسىنبەي تۇرىپ, قىزىمنىڭ ابىرويىنا نۇقسان كەلتىرەتىن ماندە پوست جاريالادى. ول ايتقانداي مەنىڭ قىزىم قۋاندىق بيشىمباەۆتىڭ ەكىنشى ايەلىنىڭ تۋىسقان اعاسىنان ەشقانداي زورلىق-زومبىلىق كورمەدى», دەدى ول.
نازىم قاھارمان سالتانات نۇكەنوۆانىڭ قازاسىنا قايعىرا كوڭىل ايتا وتىرىپ, ارىزدىڭ استارىنداعى وقيعانى ەسكە ءتۇسىردى.
2023 جىلدىڭ ناۋرىزىندا ونىڭ قىزى مەن ۇلى بيشىمباەۆتىڭ ۇيىندە بولعان. سول ۋاقىتتا بولعان توبەلەسكە بالالار كۋا بولعان.
«قىزىم قورىققاننان ماعان حابارلاما جىبەردى. مەن ول جاققا بارماي تۇرىپ, پوليتسياعا حابارلاستىم. مەن ءبىرىنشى كەزەكتە قۋاندىققا اشۋلاندىم, ولاردىڭ قاۋىپسىزدىگىنە جاۋاپ بەرۋى كەرەك ەدى. ول جەردە نە بولعانىن بىلمەدىم. 102-گە تەلەفون سوعىپ, قىزىما شابۋىل جاسالعانى تۋرالى پوليتسياعا حابارلاستىم. وپەراتور سەكسۋالدىق زورلىق-زومبىلىق بولدى ما, جوق پا دەپ سۇرادى. مەن وعان «جاعدايدى بىلمەيمىن, ول جەردە بولعان جوقپىن, كەلىڭدەر, انىقتايىق» دەدىم», دەپ ءتۇسىندىردى نازىم قاھارمان.
كەيىننەن پوليتسيامەن بىرگە جۇرگىزىلگەن تەكسەرۋ ناتيجەسىندە سالتانات نۇكەنوۆانىڭ اعاسى قىزىنا زورلىق-زومبىلىق كورسەتپەگەنى بەلگىلى بولعان.
«مالىمدەمە جاساۋشىنىڭ ايتۋىنشا, ايتىم امانگەلدى مارقۇم قارىنداسىنىڭ ۇيىنە ونىڭ سوققىعا جىعىلعان سۋرەتتەرىن العاننان كەيىن عانا كەلگەن. سول ساتتە ۇيدە بولماعان جۇبايلاردىڭ قايدا ەكەنىن نازىم قاھارماننىڭ بالالارىنان سۇراۋمەن شەكتەلگەن», دەپ قوستى ەكس-ءمينيستردىڭ بۇرىنعى ايەلى.
ونىڭ ايتۋىنشا, بالالاردان جاۋاپ الىنعان. وسىدان كەيىن ايتىم امانگەلدى بالالارعا قاتىستى ەشقانداي زاڭ بۇزباعان دەگەن قورىتىندى جاسالعان.
«مەن ايتىم (ايبەك) امانگەلدىنى جاقىن تانىمايمىن. ول قىزىمنىڭ قاسىنا كەلىپ: «بالاقاي, قاتتى قورقىپ كەتتىڭ بە؟ ءبارى جاقسى ما؟» دەپ سۇراعان», دەگەن نازىم قاھارمان جەلىدەگى جازبانىڭ جالعان ەكەنىن العا تارتتى.