اقتاۋ بلوگەرى نۇركەن ءتاجىباي ءوزىنىڭ Instagram پاراقشاسىندا كاسپي تەڭىزىنىڭ تايىز جاعالاۋىن تۇسىرگەن ۆيدەونى جاريالادى, دەپ حابارلايدى Egemen.kz.
ۆيدەودان تەڭىز جاعالاۋىنىڭ الىستاپ بارا جاتقانىن بايقاۋعا بولادى.
«تەڭىزىمىز بىلتىرعا قاراعاندا الىسقا كەتىپ قالىپتى», دەپ جازدى بلوگەر.
بۇل بلوگەردىڭ كاسپي تەڭىزىن تۇسىرگەن العاشقى ۆيدەوسى ەمەس. جەرگىلىكتى بەينەوپەراتور نۇركەن ءتاجىباي 2022 جىلى تۇپقاراعان اۋدانىنداعى جىعىلعان ويپاتى ايماعىندا دا بولعان.
ونىڭ ايتۋىنشا, سول كەزدە سۋ جاعادان 60-70 مەتردەي الىستاعان.